I

Cadro Actividades Extraescolares Curso 2011-2012

2011-05-25T21:47:00.005+02:00

A Barxa: reforma do comedor XA!!

2010-11-18T19:35:00.004+01:00

pincha sobre la imagen para visulizarla mejor

Ciencias do Mar no CEIP García Barbón

2010-11-18T19:30:00.002+01:00

pincha sobre la imagen par visualizarla mejor

crea na escola! 2010-2011

2010-11-11T17:46:00.008+01:00

Iste e o segundo Certamen que convoca a Concelleria de Educación

sobre tres modalidades: Arte Postal, Banda Deseñada e Arte Infantil.

A ficha de participación será enviada a todos os centros de ensino por correo ordinario e tamén podese baixar de internet no enlace:

http://hoxe.vigo.org/pdf/educacion/ficha_creanaescola2010_2011.doc

Para participar, remitir a ficha debidamente cumprimentada ao e-mail: ime@vigo.org ou tamén por fax ao número 986 449 379.

Animate a participar!!! haberá un premio especial ao colexio que mayor número de traballos presente no conxunto dos tres certamenes.

arte na aula

2010-11-11T16:58:00.010+01:00

O CEIP Garcia Barbón, participou na Mostra itinerante de Arte na Aula, organizada polo Concello de Vigo. Dende o 8 hata o 11 de novembro, na biblioteca do Centro, estiveron expuestas obras de artistas galegos, que xenerosa e temporalmente cediron os seus cadros para que todos os nenos e nenas, así como o persoal do colexio, poideran disfrutar e apreciar as varidades de técnica, temas e estilos que caracterizan o noso arte actual.

O propio Alcalde de Vigo, estivo nas instalación o mércores día 8 asistindo a unha charla sobre a importancia da creatividade e da imaxinación.

Os alumnos e alumnas participaron con os seus debuxos.

Para máis información visita:

www.vigopordentro.eu/novas/arte-na-aula+2010

Servicios mínimos o día da folga

2010-09-28T09:15:00.018+02:00

AVISO URXENTE

Segundo establece o Decreto 151/2010, de 23 de setembro, os Servicios mínimos establecidos para o día 29 de setembro (no que está convocada unha folga xeral) para os centros públicos de ensino dependentes da Consellería de Educación son:

"-A dirección ou membro do equipo da dirección e un subalterno ou subalterna en cada centro escolar. Nos centros de menos de 6 unidades o director/a poderá se substituído por un membro do equipo docente."

Por tanto,

no CEIP García Barbón só está garantizada a presencia da directora e do conserxe.

Comedor e Folga Xeral

2010-09-23T14:23:00.008+02:00

¡¡¡ AVISO MOI IMPORTANTE !!!

Como xa se comentou na Asamblea Xeral do pasado martes 21, o vindeiro mércores 29, e diante da posibilidade de que a empresa Serunión, S.A. non sexa capaz de subministrar comidas por mor da folga e dos piquetes para os alumnos e alumnas que poidan asistir ao colexio, esta ANPA non se arrisca (houbo votación na Asamblea Xeral) a ofertar dito servicio de comedor.

En consecuencia:

O día 29 de setembro de 2010
NON HABERÁ SERVICIO DE COMEDOR

Sobre os posibles servicios mínimos o día da folga, tentaremos poñervos ó día sobre qué cantidade de mestres terán a obriga de asistir ó centro. En calquera caso o acordo verbo deste punto semella ter poucas posibilidades de acordo entre a Xunta e os sindicatos convocantes da folga xeral.

Conferencias no Colexio

2010-05-20T12:04:00.005+02:00

Como novidade neste curso 2009-2010, a Xunta Directiva da ANPA acolleu con interese as suxerencias dalgunhas nais e pais relativas á necesidade de orientación sobre determinados temas que poden ter especial repercusión co paso dos seus fillos e fillas ao Instituto.

Así pois, acometimos a tarefa de organizar un par de conferencias orientadas especialmente a nais e pais dos derredeiros dous cursos da Primaria (5º e 6º), xa que en breve os seus fillos e filla deixarán o noso centro para comezar un novo ciclo vital no Instituto, o que supón un cambio drástico en moitos aspectos. Iso non quita para que calquera nai ou pai poida asistir a ditas conferencias, pois máis tarde ou máis cedo todos e todas nos atoparemos diante destas mesmas dúbidas.

As conferencias, datas, poñentes e horarios son os seguintes:

Instituto Os Rosais II (Vigo) Fotografía de HombreDHojalata

CICLO DE CONFERENCIAS

“ O PASO AO INSTITUTO: RETOS PATERNOS PARA PAIS PREOCUPADOS”

“Adolescencia e drogas: un novo reto para pais/nais preocupados/as”

Ponente: Antón Bouzas Álvarez

Auxiliar Psiquiátrico de la U.A.D. CEDRO do Concello de Vigo
Educador Social
Coordinador do grupo IMAN de autoapoio

Día: Martes 25 de maio
Hora: 19:30 horas
Lugar: Sala Multiusos do C.E.I.P. García Barbón

Antón Bouzas nunha rolda de prensa da Rede Social Galicia Sur

"Adolescentes, internet, redes sociais e control paterno"

Ponente: Hugo Fernández Barciela

Técnico Superior Administración Sistemas Informáticos
Docente en varios cursos de redes informáticas e programación

Día: Xoves 27 de maio
Hora: 19:30 horas
Lugar: Sala Multiusos do C.E.I.P. García Barbón

Esperamos que tanto os temas como os conferenciantes cumplan coas espectativas xeradas e que dean cumprida resposta ás vosas inquedanzas.

Campamento de verán no García Barbón

2010-05-19T08:53:00.006+02:00

Xa o ano pasado esta ANPA organizou un campamento urbano no verán que tivo bastante éxito para ser a primeira vez que se organizaba. As nenas e nenos que participaron tiveron unha morea de actividades entretidas ó tempo que consolidaban o seu nivel de inglés.

Este ano, diante da crise que afecta a tantas economías domésticas, a ANPA optou por organizar un campamento menos costoso (ainda que non fora en inglés) para facilitar as condicións de acceso a este novo servizo.

Os principais detalles deste CAMPAMENTO URBANO NO GARCÍA BARBÓN son:

Empresa organizadora:

Animar-T

Periodos de estancia no campamento:

Do 23 de Xuño ó 30 de Xullo

Do 23 ó 30 de Xuño
Do 1 ó 15 de Xullo
Do 15 ó 30 de Xullo

Horarios:

9:00 – 14:00
7:30 – 14:00
9:00 – 16:00
7:30 – 16:00

Excursións que están programadas e que se realizarán se hai un mínimo de 20 participantes:

Excursión ó museo Verbum
Excursión ó Zoo de Vigo

PREZO dos diversos horarios e actividades:

MES	HORARIO ESCOLAR	7:30 – 14:00 ó 9:00 – 16:00	7:30 – 16:00
Xuño	70,00 €	75,00 €	80,00 €
1 quincena	110,00 €	120,00 €	130,00 €
Xullo	150,00 €	160,00 €	170,00 €
Xuño e Xullo	180,00 €	190,00 €	200,00 €
PRECIO EXCURSIÓNS
Museo Verbum e Paseo Samil		12,00 €
Zoo de Vigo		12,00 €

Máis detalles importantes:

Para a realización do campamento e das excursións precísase un mínimo de 20 asistentes.
Hai que ingresar o 50% do prezo total antes do 15 de xuño, O pago restante efectuarase antes do 7 de xullo. Concepto: nome completo do/a neno/nena.
Fotocopia da tarxeta sanitaria do/a neno/a.
Número de conta: 2091 0572 14 3000010198 – Caixa Galicia
Contacto coa empresa organizadora: 653 288 267 ou contratación @ animar-t.com
Autorización: a empresa Animar-T editará un CD con fotos do campamento. Se non desexa que o/a seu/súa fillo/a apareza nesas fotografías, por favor, fáganolo saber.

O PRAZO REMATA O 1 DE XUÑO e as solicitudes entregaranse na ANPA do colexio García Barbón.

Para calquera información pódense poñer en contacto con nós no seguinte teléfono:

660 175 215 ANPA (de 9:00 a 9:30 e de 16:00 a 18:00)

Actividades polo Día das Letras Galegas e no Museo de Castrelos

2010-05-15T16:51:00.008+02:00

Como todos os anos Galicia enteira vólcase cun dos seus días máis sinalados: o Día das Letras Galegas. Este ano 2010 adícase ao poeta e narrador infantil que fixo da Serra do Courel a súa musa, Uxío Novoneyra.

Durante toda a fin de semana haberá en Vigo actividades en col da literatura:

O sábado 15 ás 11:00 horas proxectarase a película "Gisaku" nos cines Yelmo Cineplex do Centro Comercial Travesía.

Pola tarde hai unha visita teatralizada no Casco Vello na que os asistentes serán guiados por Álvaro Cunqueiro, Martín Codax e Rosalía de Castro.

O domingo 16 celebraráse no Parque de Castrelos a "III Festa das Letras" con música, haberá unha exposición sobre "O galego, tamén noutros mundos".

Pola mañá procederase a inaugurar o mural colectivo elaborado semanas atrás co gallo da actividade "Pegadas e fume"e, finalmente haberá baile, recital poético e un xantar (pódese encargar a "Cesta das letras" antes do venres 14 no teléfono 986 810 235 de 9:00 a 14:00 h.)

Pola tarde, a partires das 16:00 h, terá lugar: un obradoiro de cestería e de xoguetes, xogos populares, unha ciclobiblioteca e, finalmente, ás 17:00 h, haberá unha actuación de monicreques.

O Luns 17 no VERBUM de Samil haberá:

GRAVACIÓN DE TEXTOS DE UXÍO NOVONEYRA (de 10 a 19 horas)
ESPECTÁCULO TEATRAL PARA TODOS OS PÚBLICOS (12 e 18 horas) Para conmemorar o Día das Letras Galegas o VERBUM oferta este espectáculo teatral especialmente deseñado e producido para o Verbum, que nos axudará a ampliar o panorama cultural e artístico da exposición permanente, verdadeira protagonista da representación. O espectáculo, inspirado nos contidos da propia exposición, está escrito pola dramaturga María Fernanda Cosín e dirixido pola galega Ana Carril. AFORAMENTO LIMITADO A 50 ASISTENTES POR SESIÓN. DURACIÓN APROXIMADA: 50 MINUTOS

CONCERTO "SONS NÚS" (19.30 horas) SONS-NÚS, un dúo no que a voz de Maite Dono e o contrabaixo de Baldo Martínez xúntanse a partir do jazz, o folclore, e a libre improvisación dando lugar a un proxecto sonoro e interpretativo no que a voz pode soar como instrumento a través da música dos poemas de Uxío Novoneyra, ou da propia Maite Dono, e onde o contrabaixo perfila música e expresión de todo o conxunto.

Ademáis de todo isto, o Museo de Castrelos ten unha programación especial durante todo o mes de maio.

Trátase de obradoiros para familias dirixidos a nenos e nenas entre os 4 e os 12 anos de idade que teñen lugar todos os domingos de 11:30 a 13:30 no Pazo de Castrelos. Non é necesaria a reserva. Os familiares que acompañan aos menores poden participar desta actividade ou deixalos ao coidado do persoal educador. Estas actividades son totalmente gratuítas. O número máximo participantes é de 15 nenos/as cun máximo de dous acompañantes.

Landriña, a mascota do Museo, é a encargada de presentar cada domingo un itinerario temático polo museo que inclúe xogos e actividades nas salas, seguido dun obradoiro de creación.

DOMINGO 16 DE MAIO "Landriña viaxa ao interior das paisaxes"

Landriña proporavos un itinerario polas súas paisaxes favoritas da colección do pazo, nas que observaredes cómo ademais de utilizar a liña e a cor, os/as artistas utilizan a luz e as sombras para crear ambientes e sensacións en función do que queren suxerir.

Coa axuda da vosa imaxinación viaxaredes ao interior destas paisaxes nas que descubriremos cores, olores, personaxes, animais... cos que crearedes unha historia.

A aventura nas salas complétase cun xogo que ten coma base os cadros seleccionados e onde poñerán a proba a observación dos/as participantes.

No obradoiro converterédesvos en artistas e realizaredes a vosa propia obra na que teráedes que cambiar as cores dunha paisaxe a medida que avanza o día.

A programación do mes de maio completase co seguinte programa:

Domingo 23 de maio: terá lugar "O ladrón de cores"

Domingo 30 de maio: "Landriña descobre o retrato".

Unha boa recomendación

2010-05-04T21:32:00.005+02:00

Este vídeo tan orixinal descúbrenos os misterios dun novedoso producto capaz de almacear milóns de bits de información, pero que é totalmente ecolóxico e económico: o book.

Non ten desperdicio, como tampouco está mal a web que publicita: leerestademoda.com

Nova Xunta Directiva

2010-05-03T12:07:00.004+02:00

Como consecuencia da Asamblea Xeral do pasado venres esta ANPA conta dende xa coa súa continuidade garantizada, xa que despois dunha breve introducción do Presidente pouco a pouco varias mans asomaron entre o conxunto de nais e pais que alí se atopaban.

Entre 8 e 10 persoas, mulleres na súa totalidade, ofreceron o seu tempo para seguir coas labores que a Xunta Directiva desta ANPA ten encomendadas e que redundan non beneficio de toda a comunidade educativa no noso colexio.

Nos tempos que corren, en que o voluntariado é o único xeito de xestionar determinadas actividades, é de agradecer que siga habendo xente disposta a sacrificar parte da súa vida familiar, do seu lecer, en beneficio do resto.

Por iso, dende a Xunta Directiva actual, ofrecemoslles dende xa o noso apoio e a nosa axuda para manter unha linea de estabilidade na xestión do comedor, das actividades extraescolares e da organización das diversas actividades orientadas ó beneficio dos nosos fillos e fillas.

Unha web IMPRESCINDIBLE

2010-04-15T23:07:00.005+02:00

Hai algúns anos había unha web-blog de Vigo imprescindible para todas as familias que querían saber qué actividades poderían facer cos seus fillos en cada momento, pero esa web-blog desapareceu.

Hai non moito tempo (dende febreiro deste ano, para ser máis precisos) que os creadores daquela blog fantástica chea de información precisa e actualizada que quedou parada no tempo abriron unha blog-axenda tan útil e práctica ou máis que a anterior... cun montón de detalles e enlaces máis que interesantes.

Logo da blog "Vigo entre familias" que vos recomendamos (pinchando no logo abrides a blog)

O equipo está composto por Ana González (mestra infantil e autora dun libro sobre manualidades) e Fran Iglesias (psicólogo), ámbolosdous moi interesados no mundo da educación e das novas tecnoloxías, como manifestan na súa presentación, ademáis de ser uns pais preocupados por cómo invirten o tempo libre os nosos fillos e fillas.

Absolutamente imprescindible incluir na nosa barra lateral o enlace con esta blog.com chamada "Vigoentrefamilias".

Axudas Municipais para Libros e Comedor (Curso 2010/2011)

2010-04-05T08:36:00.004+02:00

Hoxe, 5 de abril de 2010, ábrese o prazo para a presentación de solicitudes das Axudas Municipais Escolares para adquisición de libros e comedor de cara ao vindeiro curso 2010-2011.

O prazo remeta o vindeiro día 16 de abril, así que os que estean interesados xa poden poñerse as pilas.

Aquí vos deixo uns enlaces interesantes:

Bases reguladoras e convocatoria específica das Axudas municipais de libros, material escolar e comedor para o curso 2010-2011.
Xustificantes de ingresos de todos/as os/as membros da unidade familiar maiores de 18 anos.
Solicitude de axudas municipais escolares 2010-2011

Os requisitos e demáis información aparece na seguinte páxina do Concello de Vigo.

As solicitudes presentaranse nas Unidades Básicas de Acción social que correspondan en cada caso segundo localización do domicilio do solicitante. Para ver en que UBA lles toca poden ver o listado de rúas e relación de UBAS aquí.

Campamento de Semana Santa

2010-03-16T23:49:00.007+01:00

Este ano a ANPA organiza un campamento de Semana Santa coas seguintes características principais:

Días: 30 e 31 de Marzo, e 5 de Abril
Edades: dende os 3 aos 12 anos.
Comida: conta con servicio taper (os nenos/as poden traer o almorzo e o xantar de casa e no campamento quéntanllos)
Horario: de 7:30 a 16:00
Asistentes: poden vir nenos de fora do centro sen sobrecoste algún.
Empresa: BM Educación.

A nosa idea é conseguir que todas aquelas familias que teñan problemas para conciliar a vida familiar e laboral durante estes días podan deixar aos seus fillos e fillas nun lugar que coñecen, ben atendidos e entretidos.

Coidamos que o prezo que conseguimos é bastante axustado, como veredes:

7 : 30 h a 16 : 00 h 35 €
9 : 00 h a 14 : 00 h 25€
7 : 30 h a 14 : 00 h 30 €
9 : 00 h a 16 : 00 h 30€

Para anotarse podedes:

Enviar un correo electrónico a anpa.garcia.barbon@gmail.com
Entrar no buzón de contacto da páxina web e deixar o nome, apelidos e teléfono de contacto así como unha descripción de qué horario necesitades.
Chamar ó teléfono da ANPA (que tamén aparece na páxina de contacto da páxina web) de 9:00 a 9:30 ou de 14:00 a 18:00

Campamentos de verán da Xunta de Galicia

2010-03-10T08:46:00.009+01:00

Xa está aberto o prazo para solicitar a participación de nenas e nenos nos campamentos de verán da Xunta de Galicia.

Poderedes ver toda a información na web Xuventude.net dependente da Consellería de Traballo e Benestar da Xunta de Galicia: oferta de Galicia e fóra de Galicia, formularios e modelos, etc.

A publicación das bases foi no D.O.G. do pasado luns, 8 de marzo de 2010. Aquí vos deixamos un enlace coas mesmas.

O prazo para presentar as solicitudes abriuse onte, 9 de marzo, e remata o vindeiro día 23. Polo de agora non fai falla máis que presentar a solicitude, sen máis.

Datas clave para presentar as solicitudes

Presentación de solicitudes: 9 ao 23 de Marzo

Comprobación: 5 ao 19 de Abril

Sorteo: 21 de Abril

Presentación da documentación: 23 de Abril ao 6 de Maio

Lista de espera: 24 de Maio ao 6 de Xuño

Resultas: A partir do 7 de Xuño

Actividades de marzo.

2010-03-09T16:19:00.005+01:00

Entre as actividades que vos propoñemos para este mes de marzo están as seguintes:

NO VERBUM

Domingos 7, 14, 21 e 28

Actividade: Conferencias fantásticas
Horario: ás 12:00
Prezo: 1 € / asistente

Domingo 7 de marzo. Babel. A xente que escribía palabras nos ladrillos

A Torre de Babel está en plena construción. Cal era o idioma co que se comunicaba a xente da torre? Falaremos das palabras que se escribían, dos desexos e preocupacións dos seus protagonistas, do aspecto da torre que ía ser a máis alta de todos os tempos. Isto, claro, antes de que Deus tomase unha decisión...

Domingo 14 de marzo. A historia do libro

Nesta conferencia seguiremos as pegadas dos protagonistas que escribiron a historia do libro. Que é un rolo? E un códice? A que se dedicaba Gutenberg antes de imprimir libros? Como se transportaban os primeiros libros? Que máquinas se ideaban para ler varios libros á vez? Estas curiosidades e moitas máis nunha conferencia chea de imaxes.

Domingo 21 de marzo. Caderno de viaxe

Quen empezou a narrar as súas aventuras fóra da casa? Nesta conferencia que fala de viaxes reais e fantásticas buscaremos as orixes da literatura de viaxe, leremos fragmentos, e sobre todo faremos viaxar a imaxinación a través de terras descoñecidas.

Domingo 28 de marzo. E todo comezou cun grito... melodioso

Saltando de nota en nota veremos que non fai falta "saber ler música" para disfrutala, mesmo para facela... Recrearemos así unha pequena historia chea de instrumentos.

AFORAMENTO LIMITADO A 50 ASISTENTES.

ENTRADA POR RIGOROSA ORDE DE CHEGADA.

RUTAS DE SENDEIRISMO
Coa a Asociación Cultural "O Coto"

14 DE MARZO: ESTACAS (FORNELOS DE MONTES)

Comida en Casa Chalán (cocido) Hora saída: 9:30 h. Percorrido: 11 Km. Dificultade: Baixa Guía: Suso.

28 DE MARZO: POLAS RIBEIRAS DOS RÍOS DEVA E MIÑO (CORTEGADA).

Hora saída: 10:00 h. Percorrido: 13,5 Km. Dificultade: Baixa. Guía: Xoanca.

11 DE ABRIL: ROTA DA CITÂNIA (GUIMARAES - PORTUGAL).

Visita ó Museo e Citânia de Briteiros (1,5 €)
Hora saída: 9:00 h. Percorrido: 13 Km. Dificultade: Baixa. Guía da ruta: Suso. Guía cultural: Xosé Couñago.

25 DE ABRIL: CASTELO DE PAMBRE E TORRENTES DE MÁCARA (PALAS DE REI).

Hora saída: 9:30 h. Percorrido: 14,6 Km. Dificultade: Baixa. Guía: Antonio.

SUSPENSIÓN DAS ACTIVIDADES DE DEPORTE ESCOLAR

2010-02-25T20:44:00.003+01:00

A XUNTA DE GALICIA SUSPENDE AS ACTIVIDADES DE DEPORTE ESCOLAR DEBIDO ÁS ADVERSAS CONDICIÓNS CLIMATOLÓXICAS

Ante a previsión existente, a Secretaría Xeral para o Deporte optou pola suspensión das actividades logo de escoitar a todas as partes implicadas na campaña de Deporte en Idade Escolar, que promove a Xunta de Galicia. Unha decisión tomada co obxectivo de evitar incidencias, xa que se espera durante o fin de semana unhas condicións climatolóxicas moi complicadas.

No caso que nos compete, que é a nosa ANPA, afecta aos equipos de baloncesto e futbol sala xa que, ademáis, as respectivas federacións decidiron suspender as competicións respectivas seguindo as recomendacións de prudencia diante das nefastas previsións meteorolóxicas para o sábado e, non tanto, para o domingo.

Orgullosos do noso, orgullosos do galego

2010-02-24T22:48:00.003+01:00

Orgullos@s do galego

Martiño Rivas, Belén Regueira, Antón Reixa, Susana Seivane, Luís Tosar e María Castro están orgullos@s do galego ao 100%.

Nós tamén estamos orgullosos de contar cunha lingua que nos permite comunicarnos en calquera parte do mundo con milleiros de persoas e de levar como bandeira unha que non pesa nada no peto: a nosa lingua.

Orgullos@s do galego from Coordinadora Galega ENDL on Vimeo.

A Coordinadora galega de equipos de normalización e dinamización lingüística creou unha páxina web da que se poden descargar contidos como o vídeo que nós colgamos na nosa blog.

Hai máis cousas para poñer no voso espacio web ou para enviar por correo electrónico aos vosos amigos.

Se estades orgullosos do galego, entrade, copiade e enviade o que máis vos goste.

Alerta laranxa e suspensión de actividades ó aire libre

2010-02-23T20:39:00.006+01:00

Segundo figura na nova páxina web da Consellería de Educación e Ordenación Universitaria, diante dos posibles fenómenos meteorolóxicos adversos anunciados, establecense unha serie de instruccións que deberán seguirse en todolos centros de ensino non universitario de Galicia, o que NON IMPLICARÁ SUSPENSIÓN DE NINGÚN TIPO DE CLASES (nen as normais nen as actividades extraescolares) senón que se realizarán a cuberto e atendendo sempre á seguridade do alumnado.

Aquí podedes ver completas as Instruccións emitidas pola Consellería, e aquí a Alerta de nivel laranxa emitido polo Centro de Atención de Emerxencia 112 Galicia.

Para rematar o entroido

2010-02-16T23:21:00.002+01:00

Sepelio do Deus Momo

O mércores remata o entroido de Vigo coa seguinte programación:

Ás 18 horas, comezará o remate do Entrodio 2010 coa presenza do catafalco do sepelio do rei Momo na Estación Marítima de Ría.
Continuará coa concentración dos participantes nas exequias funerarias solemnes das comparsas, dende ás 19 horas.
Encamiñarase media hora despois (19:30) cara o percorrido por Serafín Avendaño, Rosalía de Castro, Inés Pérez de Ceta, Areal, Praza de Composela e peirao de Trasatlánticos.
O sepelio será na estación Marítima de Ría as 20:30 oficios laicos nos que mediante sermóns, cantos solemnes, lectura dos premios, rematará con berro final: Que mal raio o parta (QMROP), que anuncia o final do Entroido enVigo.

Entroido en Vigozoo

Os que non gusten dos disfraces e a troula poden ir a Vigozoo, onde se desenvolve estes días o programa "Entroido en Vigozoo" que consta dunha serie de obradoiros educativos a cargo dos monitores do Departamento de Educación Ambiental.

Os obradoiros estarán dirixidos a tódolos rapaces e rapazas visitantes de 3 a 16 anos, así os nenos e nenas poderán disfrutar da pequena exposición localizada na aula de natureza denominada "Naturolab", audiovisuais infantís e ademais dun pequeno obradoiro de "Pintura de Cara".

A actividade é gratuíta en horario de 16:00 ata as 18:45 horas.

O venres... ¡¡¡Festa rachadaaaaa!!!

2010-02-09T16:27:00.010+01:00

O vindeiro venres 12 de febreiro, a partires das 17:00 horas, e ata as 19:30 horas, poderedes pasarvos polo colexio para gozar dos típicos postres do entroido, xogar cos vosos compañeiros e compañeiras do colexio e desfilar diante de vosas nais, pais, avós e avoas. Todos os que desfilen levarán un pequeno agasallo premiando o seu esforzo e a súa aportación de colorido á festa.

Contaremos coa axuda de varios animadores profesionais expertos en festas infantís, que farán que a tarde se nos pase voando mentres bailades ó ritmo da música.

Ademáis haberá bebida gratis para todo o mundo. Iso sí... hai que vir axeitadamente disfrazado para animar un pouco a festa.

Premendo sobor da imaxe podedes vela en maior tamaño.

Agardamos que a festa sexa do voso agrado.

NON FALTEDES!!!!

Mañan xa á venda as entradas das funcións en familia.

2010-02-08T14:39:00.002+01:00

El truco de Olej

BOSQUIMANOS KORYAK

Día 19 de marzo de 2010 ás 18.00 horas.

Teatro-Sala de Concertos do Centro Cultural Caixanova Duración: 60 minutos. Recomendada a partir de 4 anos.

Integrantes: Martín López Romanelli, Fredy Gulpio, Juan Gonçálvez, Federico Machín, Fabián Principi e Pablo Grillo.

Toda a maxia do circo a través do teatro negro, do cal son artistas uns monecos para os que nada é imposible. Conta a historia dun neno barrendeiro que quere ser mago. “El truco de Olej” é unha colorida obra infantil na quel as personaxes, monecos de distintos tamaños e cores fluorescentes, se arman e se desarman cobrando vida gracias á complicidade da oscuridade, a cargo da maxia de Bosquimanos Koryak.

CIRCO GALTÜK

La fiesta escénica

Días 17 e 18 de abril de 2010
(17.00 e 20.00 horas)

Teatro-Sala de Concertos do Centro Cultural Caixanova Duración: 60 minutos. Recomendada a partir de 4 anos.

Creación: Abel Martín

Galtük é o lugar onde nacen os soños e o nome do espectáculo nol que se fan realidade. A bordo da súa cama, unha intrépida nena viaxa a través dos seus sonos da man de peculiares personaxes e fantásticos animais. Galtük fusiona circo, danza e teatro nun grande espectáculo dunha hora de duración co que gozará toda a familia.

Entradas xa á venda para o primeiro espectáculo en wwwxcaixanova.es
e na taquilla telefónica 902.504.500.
Para o Truco de Olej e o Circo Galtük, a partires do 9 de febreiro

Salón do Libro Infantil e Xuvenil de Pontevedra

2010-02-05T19:04:00.004+01:00

Do 7 de febreiro ao 14 de marzo de 2010

O Salón do Libro Infantil e Xuvenil de Pontevedra chega de novo para facer gozar da literatura e de todo o universo que a rodea á familia enteira porque está pensado para o goce compartido.

Nenos e adultos que se divertiranse e descobrirán xuntos o mundo dos libros. Por iso conta cun amplo programa de actividades para toda a familia, dende os máis cativos ata os máis maiores.

Neste salón preténdese que o visitante se sinta na súa casa, que considere o Salón do Libro como o seu espazo: un lugar onde pasar a tarde lendo na sala de lectura, explorando os espazos fantásticos creados para a ocasión, tomando un café no aparcadoiro de pais e nais, gozando dunha tarde de teatro, escoitando contos, asistindo a obradoiros e conferencias…

Recomendamos que visitedes o Salón do Libro Infantil e Xuvenil de Pontevedra, porque sexades como sexades, teredes preparado algo para vos.

ACTIVIDADES

Domingo, 7 de febreiro

12:00 e 18:30 • Teatro
La Ciudad Inventada, por Gorakada Teatro (Teatro Principal)
Entrada 3 . Recomendada a partir de 5 anos. Desconto do 50% a menores de 12 anos. Venda de entradas: a billeteira abre 1 hora antes dos espectáculos.

Luns, 8 de febreiro

17:30 • Contacontos

Tardes na Sala: Carballo con botas, de Papaventos (Sala de Exposicións do Pazo)
18:30 • Espectáculo

Rosalía, a pulga que escribía, de Galitoon (Auditorio do Pazo) Recomendada a partir de 1 ano. Desconto do 50% a menores de 12 anos. Venda de entradas: a billeteira abre 1 hora antes dos espectáculos.

Martes, 9 de febreiro

17:30 • Contacontos

Tardes na Sala: Carballo con botas, de Papaventos (Sala de Exposicións do Pazo)
18:30 • espectáculo

Rosalía, a pulga que escribía, de Galitoon (Auditorio do Pazo) Recomendada a partir de 1 ano. Desconto do 50% a menores de 12 anos. Venda de entradas: a billeteira abre 1 hora antes dos espectáculos.

Mércores, 10 de febreiro

17:30 • Contacontos

Tardes na Sala: Carballo con botas, de Papaventos (Sala de Exposicións do Pazo)
18:30 • Teatro

Os Bolechas, de Caramuxo Teatro (Auditorio do Pazo) Entrada 3 €. Recomendada a partir de 3 anos. Desconto do 50% a menores de 12 anos. Venda de entradas: a billeteira abre 1 hora antes dos espectáculos.
19:00 • Acto de presentación

Presentación do proxecto Contos do camiño, de OQO Editora (Café Moderno - Fundación Caixa Galicia)

Xoves, 11 de febreiro

18:30 • Teatro

Os Bolechas, de Caramuxo Teatro (Auditorio do Pazo) Entrada 3 €. Recomendada a partir de 3 anos. Desconto do 50% a menores de 12 anos. Venda de entradas: a billeteira abre 1 hora antes dos espectáculos.

Venres, 12 de febreiro

17:30 • Contacontos

Tardes na Sala: Carballo con botas, de Papaventos (Centro Cultural Monteporreiro)

Sábado, 13 de febreiro

10:30 • 11:30 • 13:00• 17:00 • Espectáculo para bebés

Pacama, de Katarsis Espectáculo para bebés • Entrada 3 € •Recomendado a partir de 0 anos • Desconto do 50% a menores de 12 anos. Venda de entradas: a billeteira abre 1 hora antes dos espectáculos.

OBRADOIROS

Sonotopías, escoita e territorio

Do 1 ao 5 de marzo, de 17:00 a 21:00 h

Escoitar.org

Obradoiro de construción de títeres con material de refugallo

Do 1 ao 4 de marzo, de 17:00 a 19:00 h

Títeres Cachirulo

Animación á lectura

Do 1 ao 5 de marzo, de 17:00 a 20:00 h

Kamante Teatro

Inscrición

Obradoiros gratuítos.

Este domingo sendeirismo polos montes de Vigo

2010-02-05T19:03:00.000+01:00

A Asociación Cultural O Coto ten programada outra das súas habituais peque-rutas pensadas para que os máis pequenos da casa se inicien no sendeirismo, a aventura e o contacto coa natureza en estado puro. Este domingo toca unha ruta polos montes que envolven Vigo:

Ruta das Esculturas (Montes Alba e Cepudo)

O ano 1999 a Comunidade de Montes de Valladares convoca o "I Simposio Internacional de esculturas do Monte Alba" no que participaron artistas internacionais, españois e galegos.

O resultado foron 9 fermosas esculturas situadas estratéxicamente polos montes Alba e Cepudo cun percorrido de 2,5 km.

É un fermoso percorrido por un dos lugares de Vigo cuns miradoiros excepcionais da nosa ría, a nosa cidade, Baiona, etc.

Data: 7 de febreiro

Percorrido: 2,5 km.

Hora de saída: 11:00 horas

Observacións:

- As saídas das rutas son dende o Colexio Público do Carballal (R./ Lomba 1) CABRAL

- Levade a vosa comida para pasar o día no monte.

Día da Paz 2010

2010-02-01T16:54:00.011+01:00

Outro ano máis o Día da Paz celebrouse no noso centro por todo o grande. Ademáis, como o tempo acompañou finalmente, xa que estaba previsto para o pasado venres 29 de xaneiro e pospúxose ata hoxe luns 1 de febreiro por mor da choiva, o éxito foi completo.

A orixe desta celebración está moi vencellada ao noso colexio, como xa vos contamos o curso pasado, e probablemente por iso gostamos tanto desta celebración que conta cun carácter marcadamente educativo.

Para a nosa comunidade educativa é moi importante que, nun mundo no que a violencia enche e invade a nosa intimidade case que a diario, se preste atención á paz e á non violencia alomenos unha vez ó ano, o que non quita para que dende un enfoque transversal se incida neste tema ao longo do curso.

Unha visión simplista desta celebración non conduce a nada e, precisamente por iso, apostamos polo feito de integrar actuacións ao longo do curso encamiñadas a favorecer a mistura cultural e a relación humana por enriba de calquera tipo de fronteiras, favorecendo a participación de toda a comunidade educativa nos diversos eventos e celebracións que teñen lugar no colexio.

Nesa liña de colaboración e comunicación, dende agora mesmo quedades convidados todos e todas á vindeira festa do "Entroido", que terá lugar o venres día 12 de febreiro a partires das 17:00 da tarde. En breve recibiredes unha nota solicitando a vosa colaboración, como se fixo o curso pasado, xa vos avisamos que este ano haberá algunha novidade que agardamos sexa do voso agrado.

“FUNCIÓNS EN FAMILIA” en CAIXANOVA

2010-01-22T10:12:00.008+01:00

Caixanova presentanos diversas propostas pensando nos máis pequenos da casa, que abranguen dende circo, teatro, á maxia do circo a través do teatro negro ou danza pensados para gozar en familia.

Rosalía, a pulga que escribía

GALITOON
Día 6 de febrero de 2010 ás 18.00 horas.

Auditorio do Centro Cultural Caixanova
Aforo limitado. Duración: 45 minutos. Recomendada a partir de 2 años.

Guión y dirección: Andrea Bayer Actores manipuladores: Rogelio Lema, Raquel Queizás, Santiago Alonso

Esta é a historia dunha pulga moi pequena chamada Rosalía. Todos os días escribe unha carta, metea nun sobre e entregalla a un carteiro motorizado, Bruno, o Canguro. Cada carta ten un destinatario peculiar: un topo que non ve, unha ouvella que non sabe ler, una xirafa que perdeu as súas gafas e un elefante que só fala inglés. A mensaxe da carta é a mesma para todos: na vindeira lúa chea, festa na casa de Rosalía. Pero o máis importante é a historia dunha amistade.

El truco de Olej
BOSQUIMANOS KORYAK
Día 19 de marzo de 2010 ás 18.00 horas.

Teatro-Sala de Concertos do Centro Cultural Caixanova Duración: 60 minutos. Recomendada a partir de 4 anos.

Integrantes: Martín López Romanelli, Fredy Gulpio, Juan Gonçálvez, Federico Machín, Fabián Principi e Pablo Grillo.

CIRCO GALTÜK
La fiesta escénica
Días 17 e 18 de abril de 2010
(17.00 e 20.00 horas)

Teatro-Sala de Concertos do Centro Cultural Caixanova Duración: 60 minutos. Recomendada a partir de 4 anos.

Creación: Abel Martín

Entradas xa á venda para o primeiro espectáculo en wwwxcaixanova.es e na taquilla
telefónica 902.504.500.
Para o Truco de Olej e o Circo Galtük, a partires do 9 de febreiro.

ACTIVIDADES NO MUSEO DO MAR

2010-01-22T09:53:00.005+01:00

NAVEGANDO NO BEAGLE FIN DE SEMANA

Datas: Todas as fins de semana (sábados e domingos) dende o 19 de decembro ata o 21 de marzo, ambos incluidos.
Horario: 17h-20h
Prezo: entrada libre e gratuita ata completar aforo
Inscrición: A inscrición debe realizarse previamente a través do teléfono *986 247 750*en horario de 10h a 14h de martes a domingo, ou acudindo directamente ao museo, até cubrir prazas.
Mais información: 986 247 750 e aquí

O Museo do Mar de Galicia vai levar a cabo un obradoiro onde a diversión, creación e ciencia mistúranse nunhas completas actividades nas que os rapaces disfrutarán aprendendo nocións de bioloxía, historia natural e xeografía.

Os participantes terán a oportunidade de realizar unha visita á exposición adaptada ás súas idades na que serán algo máis que visitantes do museo. Por engadidura realizaranse experiencias de obradoiro e ao aire libre.

Pero para coñecer a Darwin hai que ir máis alá, coñecer a época na que viviu, os seus costumes, os animales que estudiou, asi que os máis pequenos adentraranse no universo darwiniano a través da confección de personaxes cos que farán representacións e da clasificación das especies.

A predicción meteorolóxica e a cartografía serán algúns dos temas que desenvolveremos nestes obradoiros.

NON ESQUEZADES O COI E A MERENDA!!!

Teatro infantil en Pontevedra e programación infantil do Xacobeo 2010

2010-01-21T00:22:00.003+01:00

Oito grupos actuarán na undécima edición do ciclo a partires do día 24 de xaneiro (Noticia)

A idea é que este año ninguén se quede sen entradas para asistir ao ciclo de teatro familiar Domingos do Principal. Deste xeito, o Concello de Pontevedra ofrece xa abonos (cun desconto do 25% sobre o prezo) para asistir ás oito actuacións de que constará a undécima edición do evento, que arrinca o vindeiro día 24, pero además haberá dobre sesión de mañá e tarde (ás 12 e 18.30 horas) en cada un dos espectáculos. Así e todo, a concelleira de Cultura, Lola Dopico, subliñou que «a nosa expectativa é que tamén se esgoten».

A coordinación do ciclo volve a estar en mans de Teatro Akatro, que programou as oito actuacións despois de realizar unha selección entre cen espectáculos teatrais de toda España. Como explicóu a súa voceira, Teresa Alonso, este ano haberá «todo tipo de teatro, desde monicreques, a teatro de sombras, danza ou música moderna».

Ademáis, coidouse que as funcións sexan aptas para distintos tramos de idade. Así por exemplo o ciclo comezará o día 24 coa compañía gallega Berrobambán, que porá en escea "Bicharada", unha obra dirixida a nenos e nenas dende un ano.

Imaxe de "Bicharada" (Foto de José Manuel Casal en La Voz de Galicia)

O día 31 os segovianos Teatro Mutis ofrecerán "La isla de Pandora", con monecos xigantes,

La isla de Pandora (Foto de su web)

mentres que o 7 de febreiro, coincidindo coa inauguración do Salón do Libro Infantil, adicado este ano á cidade, está prevista a actuación de Gorakada Teatro (Euskadi) coa obra "La ciudad inventada".

La ciudad inventada (Foto de su web)

As funciones continuarán o 21 de febreiro con "Sombreiros sen chapeu", de Tanxarina Títeres,

e o 28 cos salmantinos Spasmo Teatro, que proporán "Sketching".

Sketching (Foto de su web)

Un dos espectáculos máis visuais será el que ofrecerán os vascos Circle of Trust & Logela, "Papiro...flexia" "Breakdance multimedia show", o día 7 de marzo,

Papiro... flexia

mentres que o 14 estarán os asturianos Higiénico Papel, con "1001 una odisea en el desierto".

Os espectáculos rematarán co musical "El libro de la selva", de Barceló Producciones, que se escenificará só en sesión de tarde nol Pazo da Cultura por necesidades técnicas.

Os abonos xa están á venda (ata o día 18) na taquilla teléfonica (902434443) ao prezo de 18 euros, con dúas modalidades, matinal e de tarde. E as entradas soltas, ao prezo de 3 euros, poden conseguirse en venta anticipada na web www.caixagalicia.es ou no citado teléfono a partires do día 19. Se quedan localidades, ponránse á venda o mesmo día da función nas taquillas do Teatro Principal. Tamén haberá sesiones concertadas cos colexios os lunes, para as que xa hai dous mil escolares inscritos.

Xa pasaron algunhas das produccións culturais para nenos e nenas programadas co gallo do Ano Xacobeo 2010, pero ainda queda moito ano por diante. Para que estades informados deixámos o enlace da páxina de "Camiño infantil"

Ensino público galego: sen comentarios (actualizado)

2010-01-13T12:27:00.007+01:00

Ensino público galego.
Enseñanza pública gallega.
Galician public education.

Sen comentarios. Sin comentarios. Whitout comments.

Para que ninguén se sinta desinformado ofrecemos as dúas caras da moeda. Premendo sobre o título vos remitimos á información:

Suspensión das clases en toda Galicia mañá 16 de decembro de 2009

2009-12-15T16:03:00.005+01:00

As clases quedan suspendidas en todos os centros educativos galegos como medida de precaución polo mal tempo durante a xornada de mañá, mércores 16 de decembro.

Esta decisión tomouna a Xunta como medida de precaución, en base á predición feita pola Axencia Estatal de Meteoroloxía (AEMET), de fenómenos meteorolóxicos adversos con precipitacións en forma de neve que afectarán a Galicia en cotas baixas a partir das 12 desta mesma noite.

A Consellería garante deste xeito que non se produza incidencia algunha no acceso dos escolares aos seus centros, así como preservar a seguridade do alumnado, profesorado e persoal non docente.

Se alguén ten dúbida, que entre na páxina web da Consellería de Educación da Xunta de Galicia.

Un Nadal desbordante de actividade

2009-12-11T14:51:00.012+01:00

Dende o día 10 de decembro.“Vente cos Reis Magos”

Convoca: Concellería de Animación Sociocultural

Contido: O obxecto da convocatoria e seleccionar a corenta nenos e nenas para acompañar os Reis Magos na Cabalgata de Reis 2010.

Neste concurso poderán participar todos os nenos e nenas da cidade nacidos entre o 1 de xaneiro de 1997 e o 31 de decembro de 2001, ambos inclusive. As solicitudes poderán depositarse nun buzón do Carteiro instalado na lonxa do Concello e nos Centros Cívicos de Teis, Casco Vello, Coruxo e Saiáns.

O prazo de inscrición comezará o día 10 de decembro e finalizará as 20:00 horas do día 18 de decembro.

O sorteo realizarase o día 22 de decembro, ás 12:00 horas na Casa do Concello.

Sábado 12: "Un nadal cheo de contos"

Na Biblioteca Pública Central de Vigo.
Con Tarabelos (todos os públicos)
Ás 12:00 horas.

Sábado 12 : Heiche contar un conto.

Actividade didáctica a cargo do actor e músico Manolo Panforreteiro acompañado de dous músicos. Son dos espectáculos baseados en contacontos acompañados de música en directo e dirixidos a todos os públicos.
Entrada gratuíta ata completar aforamento.
De 12:00 a 13:00 horas.
Lugar: VERBUM SAMIL

Sábado 12 de diciembre: “Vigo tiene Navidad. Ven a la Diputación”

Ás 19:00 h. Presentación do programa coa actuación do Mago Cali.

Domingo 13 : o boneco do pasado Nadal

¿Que pasa cos xoguetes cando xa non xogamos con eles? A través dun xoguete abandonado polo seu dono tentaremos transmitir aos nenos o valor das cousas máis alá dos cartos. Con xoguetes antigos e de desfeito tentaremos crear historias para cada xoguete dándolle unha nova dimensión a cada obxecto.
Lugar: VERBUM SAMIL
De 12:00 a 13:00 horas.
Para nenos/as a partir dos 4 anos.
1 € / asistente.
Aforamento limitado a 50 nenos.

Martes 15: "Blanco radiante chama a súa porta" (teatro)

Co gallo da presentación oficial do curso actual, a Escola Municipal de Teatro de Vigo vai representar esta obra de Angel Camacho.

Lugar: no Auditorio do Centro Cultural Caixanova, na rúa Policarpo Sanz nº 13, entrada pola rúa Marqúes de Valadares.
Hora: 18:00 horas

Xoves 17: “A biblioteca dos pequenos”

Actividades para cativos de 18 meses a 3 anos Títeres con Titirimaña.
Ás 18:00 horas.
Entrada gratuita.
Lugar: Biblioteca Pública Central

Venres 18: “Rosalía a pulga que escribía”

Rosalía é unha pulga que escribe cartas e Bruno,o canguro, é o carteiro que as entrega. Unha tenra relación de amizade entre unha pulga escritora, un canguro carteiro, unha xirafa patinadora, un elefante londiniense e moitos máis personaxes.
Xénero: Teatro de marionetas
Duración do espectáculo: 50'
Público preferente: Infantil de 3 a 7 anos
Lugar: IES Audiovisual/ESAD de Galicia (Rúa Eduardo Cabello, s/n, Bouzas–Vigo).
Entrada gratuíta até completar a capacidade.
Ás 20:00 horas.

Sábado 19 : “Palabras e papéis: Contos co dragón Xián”

Na Biblioteca Pública Central de Vigo. Con Fran Insua (todos os públicos).
Ás 12:00 horas. Entrada gratuíta.

Sábado 19 : Heiche contar un conto

Actividade didáctica a cargo do actor e músico Manolo Panforreteiro acompañado de dous músicos. Son dos espectáculos baseados en contacontos acompañados de música en directo e dirixidos a todos os públicos.
Entrada gratuíta ata completar aforamento.
De 12:00 a 13:00 horas.
Lugar: VERBUM SAMIL

Sábado 19 de decembro: “Vigo tiene Navidad. Ven a la Diputación”

Entre as 11:00 e as 13:00 haberá un Obradoiro de contacontos.
Entre las 11:00 e as 13:00 e entre as 17:00 e as 20:00 horas un Paxe Real recollerá as cartas para os Reis Magos.
Ás 17:30 terá lugar un obradoiro de animación musical.
Ás 19:00 actuará o Paiaso Popín.
Lugar: Sé da Deputación en Vigo.

Domingo 20 : o neno e a lista de xoguetes

Coa próxima chegada de Papá Noel, tentaremos que os nenos reflexionen sobre todos os xoguetes superfluos que teñen. Así pois xogaremos “coa nada, con nada e para nada”. Inventaremos xogos cun fin determinado. Empregaremos palabras como “imaxinación”, “morea”, “esforzo”, “invento”, ...
De 12:00 a 13:00 horas.
Para nenos/as a partir dos 4 anos.
1 € / asistente.
Aforamento limitado a 50 nenos.
Lugar: VERBUM SAMIL

Do domingo 20 a 30 de decembro: "O Nadal na Porta do Sol"

Acollerá actividades diversas, dende concertos a actuacións de monicreques, contacontos e obradoiros.
Actividade gratuíta.

Do luns 21 de decembro ao 6 de xaneiro: "Benvido Nadal"

Este programa inclúe parques de xogos con inflables e decoración de Nadal, e terá lugar na Praza do Rei e este ano amplíase tamén á Porta do Sol.
De 12:00 a 14:00 horas e de 16:00 a 20:00 horas, agás os días 25 de decembro, 1 e 6 de xaneiro, só en horario de tarde.
Actividade gratuíta.

Martes 22 de decembro, Sorteo do “Vente cos Reis Magos”

Ás 12:00 horas na Casa do Concello celebrarase o sorteo das nenas e nenos que poderán acompañar aos Reis Magos na Cabalgata de Reis 2010.

Do sábado 26 ao 30 de decembro e do 2 ao 4 de xaneiro: "Carpa máxica do Nadal"

Nela os nenos e nenas poderán participar en obradoiros, distribuídos por idades, e actuacións.
Na Praza do Rei.

Do sábado 26 ao 30 de decembro e do 2 ao 4 de xaneiro: Vigolandia.

Desenvolverase no IFEVI, como xa vén sendo tradicional. Inclúe diversas zonas, segundo as idades, e diversos espectáculos.
A partires das 18:00 horas.

Domingo 27 : un rei mago con problemas.

Os rapaces aprenderán cal é o verdadeiro valor do Nadal, máis alá dos agasallos. Este conto fala do qué cambiou o mundo dende que existe o Nadal, e de todos os problemas cos que se atopa un rei na actualidade: edificios moi modernos pero con poucas chemineas por onde entrar nas casas...
De 12:00 a 13:00 horas.
Para nenos/as a partir dos 4 anos.
1 € / asistente. Aforamento limitado a 50 nenos.
Lugar: VERBUM SAMIL

Domingo 27: Musical “Aladino”

A diferencia desta versión é o esforzo por rescatar a esencia do orixinal actualizando a posta en escea sen perder a maxia, a diversión, a aventura e a historia de amor do cuento. As persoaxes están humanizadas outorgándolles valores como a amistade, a solidariedade e o amor pola natureza. ¿Para qué ter unha lámpada marabillosa se non se ten corazón para empregala?
Entrada 10 € que se pode mercar a traveso de Caixa Galicia.
Lugar: Teatro-Cine Salesianos.

Do luns 28 ao 30 de decembro: "Cine para nenos"

Nos multicines Yelmo. Para participar se poden recoller as entradas na Concellería de Normalización Lingüística e en Radio Vigo.

Martes 29: "Coa lectura pola igualdade"

Animación a cargo da Asociación Nós Mesmas (de 3 a 7 anos) ás 12:00 da mañan.
Entrada gratuíta.
Lugar: Biblioteca Pública Central de Vigo.

Sábado 2 de xaneiro: “Vigo tiene Navidad. Ven a la Diputación”

Entre as 11:00 e as 13:00 terá lugar un obradoiro de contacontos.
Entre as 11:00 e as 13:00 e entre as 17:00 e as 20:00 horas un Paxe Real recollerá as cartas para os Reis Magos.
Ás 17:30 haberá un obradoiro de animación musical.
Ás 19:00 actuará o Paiaso Popín.
Lugar: Sé da Deputación en Vigo.

Os días 4 e 5 de xaneiro: "Cine para nenos" Nos multicines Yelmo.

Para participar se poden recoller as entradas na Concellería de Normalización Lingüística e en Radio Vigo.

5 de xaneiro: Cabalgata dos Reis Magos

Antes da Cabalgata haberá unha festa infantil de benvida aos Reis Magos, que terá lugar na praza do Rei. A Cabalgata partirá dende a rúa Venezuela á praza de América.
Este ano a temática da mesma é a celebración do Bicentenario de Vigo como cidade. Participarán 13 carrozas e 18 grupos de animación.

Ademáis, nos centros comerciais da cidade (Plaza E, Travesía, Camelias, Gran Vía e A Laxe) haberá obradoiros diversos, a presencia do Papá Noel e dos Reis Magos. Premendo nos nomes podedes acceder ás respectivas programacións.

Noite de contos e coplas de estrelas.

2009-11-19T09:34:00.005+01:00

Co gallo do Ano Internacional da Astronomía (AIA), o Consello Superior de Investigacións Científicas (CSIC) e a Universidade de Vigo (UVIGO), coa colaboración da Radio Galega, organizan o proxecto “Contos e Coplas de Estrelas” que engloba ciencia, literatura e música, co obxectivo de vencellar a sabedoría popular coa astronomía nun formato atractivo que chegue o gran público.

A acción inclúe a tradución ao galego do libro “Contos de Estrelas” incluíndo un conto popular galego, a gravación dun CD con coplas tradicionais galegas que fan referencias os astros, e un concerto de presentación do material con astrónomos, contacontos e música de coplas.

O proxecto divídese en tres bloques:

Tradución ao galego do libro “Cuentos de Estrellas” (de Rosa Mª Ros Ferré, editado polo CSIC) e inclusión dun conto galego. Esta publicación é unha recompilación de contos de todo o mundo na que os astros son os protagonistas. Cada relato vai acompañado da correspondente explicación científica e, tanto o deseño gráfico como as ilustracións son moi atractivas. Podedes ver o conto na versión en castelán e en formato pdf neste enlace.
Edición do CD: “Coplas de Estrelas” CD con coplas e cantos populares galegos relacionados coa lúa, as estrelas e o cosmos. Trátase dun traballo que combina a etnografía coa astronomía. O grupo de música popular Adonairare de Vilaboa (Pontevedra), interpreta coplas, cantos de berce e cantos de reis típicos da cultura tradicional galega, recollidos previamente e clasificados por zonas xeográficas. O CD presentase cun libreto coas letras das coplas e pequenas explicacións científicas a referencias astronómicas que se fan nas coplas (por exemplo, por qué algunhas estrelas chamábanse “leiteiras”).
“Noite de Contos e Coplas de Estrelas” O material divulgativo elaborado presentarase nun evento lúdico dirixido a tódolos públicos, que terá lugar na cidade de Vigo o sábado 21 de novembro coincidindo coa Semana da Ciencia 2009.

Lugar:Fundación Pedro Barrié de la Maza en Vigo, Rúa Policarpo Sanz, 31.

Hora: 20:00 horas.

Prezo: entrada libre ata completar o aforo.

Co título “ Noite de Contos e Coplas de Estrelas” os participantes poderán escoitar contos, bailar a música das coplas e aprender das explicacións das astrónomas.

No evento, conducido pola actriz Ana Carreira, contaranse contos e cantaranse coplas tradicionais, sempre acompañados por explicacións científicas sobre Astronomía a cargo de Rosa Mª Ros (Editora de Cuentos de Estrellas), Montserrat Villar (Coordinadora do Ano Internacional da Astronomía en España) e Ana Ulla (UVigo).

Ao finalizar o acto entregarase ao público asistente un exemplar de “Contos e Coplas de Estrelas”.

Actividades para novembro (III)

2009-11-10T19:53:00.004+01:00

7º ANIVERSARIO DO MARCO

Datas: 13 novembro 2009 - 15 novembro 2009
Horario: martes a sábados (festivos incluidos) de 11.00 a 21.00, domingos, de 11.00 a 15.00
Lugar: MARCO, Museo de arte contemporánea de Vigo. Rúa Príncipe 54
Prezo: gratuíto

O 13 de novembro de 2009, o MARCO cumpre sete anos dende a súa apertura ao público en 2002. Co gallo desta celebración, o venres 13, sábado 14 e domingo 15 de novembro terá lugar a festa do 7º aniversario, cun amplo programa de actividades para públicos de todas as idades.

De entre todas as actividades dende a ANPA recomendamos especialmente para as familias os obradoiros

‘7 xogos para 7 velas’

Trátase dunha selección das mellores actividades didácticas do MARCO e de pezas audiovisuais do Festival ArtFutura nos últimos anos destinada a nenos e nenas a partir de 3 anos acompañados de persoas adultas.

Lugar: Laboratorio das Artes
Horario: venres de 18.00 a 20.00; sábado e domingo de 12.00 a 14.00 e de 17.00 a 20.00

NOTA: o venres ao serán, sábado e domingo pola mañá, os adultos acompañantes poderanse ausentar do taller. O sábado e domingo pola tarde permanecerán no espazo de didáctica.

Como cada ano nesta ocasión, o departamento educativo do MARCO ten preparada unha programación especial de talleres e actividades para familias. Para este 7º aniversario realizouse unha selección das actividades didácticas realizadas nos últimos sete anos que tiveron mellor acollida entre o público infantil, adaptables na súa duración e características en función do número de participantes. Todo iso terá lugar no Laboratorio das Artes, o espazo de didáctica do 1º andar. Ademais, realizouse unha selección de pezas aptas para público infantil do programa audiovisual do Festival ArtFutura nos últimos anos, para que os máis pequenos poidan gozar das mellores creacións de programas como ‘Funnies Futura’ ou ‘3D en España’.

Actividades para novembro (II)

2009-11-09T09:05:00.006+01:00

Na Biblioteca central de Vigo volven á carga coas súas estupendas actividades para escolares e preescolares:

Os XOVES ás 18 horas ofrecen actividades para pequenos de entre 18 meses e tres anos:

XOVES 5: VISITA DE MIGUEL DE DUENDE SICO

XOVES 19: TÍTERES CON TITIRIMAÑA

Os SÁBADOS ás 12 h. seguen cos contacontos:

SÁBADO 14: O TENDERETE DE CACHIFALLADA (Teatro) con Locamotora (para público de 3 a 10 años. Duración aproximada 60 minutos) Carlota e Marieta revolven no faiado da súa casa na percura de cachifallos que elas convertirán en novos obxectos transformados con moita imaxinación e creatividade. Roupas, latas, regadeiras e outros trastos que se converten en seres fantásticos con historia de seu, que misturan o mundo real e imaxinario. O público atopará no Tenderete da Cachifallada dous contos, outras pequenas historias, caramelos de poemas e incluso a ¡pandeirada da cachifallada!

O Tenderete da Cachifallada from alocamotora on Vimeo.

SÁBADO 21: CAMIÑO DE AVENTURAS (Monicroques) con Títeres Cachirulo (+ 4 años)

As personaxes Xan Laranxal e a mona Kiku presentan a gran aventura que vivirán xunto a famoso Gaiferos, que vai tentar acabar cunha longa guerra entre moros e cristianos.

Todo empezóu fai cincocentos anos, máis ou menos. Gaiferos parteu en misión segreda para chegar a un acordo co príncipe árabe A-bul e rematar coa guerra entre os seus pobos. Nun lugar do camiño, Gaiferos atopouse con Lucifer, que intentóu detelo desafiándoo ao "Xogo da Oca".

Tivo sorte cos dados o peregrino, enganóu ao demo e seguíu o seu camiño. Pero o infierno estivo por todo o mundo facendo despropósitos e maleficios para deter ao emisario da paz.

Xuntos vivirán unha morea de aventuras en compañía doutros personaxes da historia como a Dama Peregrina, a Princesa Panme, o Cabaleiro Templario ou o ladrón pantasma.

SÁBADO 28: CHINCHA RABINCHA, con A xanela do Maxín

Chincha Rabincha é un espectáculo orixinal no que se mezclan a maxia e o mundo real, cuns personaxes entrañables facilmente recoñecibles polos nenos e nenas. Entrelázanse, desta maneira, as vidas dun pallaso paroleiro, dun bruxo pintor de soños e dun pequeno para acabar cos pesadelos que atormentan aos nenos e nenas polas noites.

Unha historia onde o medo é o tema central, pero na que tamén se fomenta a seguridade nun mesmo e valores tan fundamentais como o respecto, a tolerancia ou a paz, nun espazo onde a imaxinación e o enxeño son as ferramentas que se utilizan para recuperar a pizarra dos soños do "Bruxo Soñabán".

- Duración: 50 min.

- Público: Familiar

- Ficha Artística: Actriz e Manipuladora: Celtia Figueiras. Deseño e construcción: A Xanela do Maxín. Son e Iluminación: Luis Vallecillo. Música: A Xanela do Maxín. Director: Luis Vallecillo. Autora: Celtia Figueiras

Ademáis, no marco da Semana da Ciencia que organiza o Consello Superior de Investigacións Científicas (CSIC) en colaboración con diversas asociacións e entidades en diversas poboacións galegas, en Vigo contamos coas seguintes actividades:

“Obradoiros de Ciencia Mariña no Mercado”: 11, 12, 13 de novembro en Vigo.

O Instituto de Investigacións Mariñas e a Delegación Institucional organizan en Vigo a segunda edición dos “Obradoiros de Ciencia Mariña no Mercado”.

Este ano a actividade será no Mercado do Progreso os días 11, 12 y 13 de novembro en horario de 10.00 a 13.00 horas. O obxectivo é dar a coñecer o traballo dos investigadores mediante experiencias de laboratorio realizadas “in situ” na praza de abastos.

Pretendese achegar a ciencia e as tecnoloxías mariñas ao público xeral, buscando novos espacios e formatos diferentes, máis achegados e atractivos. Esta iniciativa diríxese a todos os públicos, a entrada é libre sen previa reserva.
A actividade divídese en seis obradoiros en torno a dous bloques temáticos: “¿Qué hai nunha gota de auga de mar?” e “A investigación dos alimentos mariños”.

Está financiada pola Dirección Xeral de I+D+i da Consellería de Economía e Industria (Xunta de Galicia).

Contos e Coplas de Estrelas: 21 de noviembro en Vigo

O sábado 21 de novembro, de 18:00 a 20:00 horas, a Delegación Institucional do CSIC en Galicia e a Universidade de Vigo, en colaboración coa Radio Galega, presentarán na sé da Fundación Pedro Barrié da Maza de Vigo o proyecto “Contos e Coplas de Estrelas”, que inclúe a traducción ao galego do libro “Contos de Estrelas” coordinado por Rosa María Ros Ferré e a edición dun CD con unha recopilación de coplas tradicionais galegas que fan referencia aos astros. O proxecto engloba ciencia, literatura e música. Aquí vos deixo tamén un enlace no que poderedes ver a edición en castelan do libro en formato pdf.

A actividade de presentación do proxecto consta dun concerto de presentación do material. Diríxese a todos os públicos e a entrada é libre ata encher a sala. Asistirán astrónomos e contacontos. Esta iniciativa encadrase dentro do “Ano Internacional da Astronomía” e o seu obxectivo é vencellar a sabedoría popular cun proxecto atractivo que chegue ao público xeral. Está financiado pola Dirección Xeral de I+D+i da Xunta de Galicia.

Os Bolechas fan o Magosto no VERBUM

2009-11-06T09:49:00.007+01:00

Hoxe 6 DE NOVEMBRO DE 2009, de 19:00 A 20:00 HORAS. PARA TODOS OS PÚBLICOS (NENOS/AS A PARTIR DOS 3 ANOS)
ENTRADA GRATUÍTA pero AFORAMENTO LIMITADO.

IMPORTANTE: As entradas (gratuítas) poderanse recoller a partir das 18.30 horas (media hora antes do espectáculo).

Hoxe mesmo, venres 6 de novembro, o museo Verbum presenta o gran éxito editorial galego “Os Bolechas fan o magosto”, acompañado duna comedia musical con monicreques a cargo de Caramuxo Teatro.

Espectáculo que nos amosará un día na vida desta divertida familia, onde coñeceremos as ocorrencias do pequeno Tatá, as travesuras de Chispa, a Braulio e Sonia, as xemelgas Pili e Loli, e a Carlos, o maior dos irmáns.

Ao final da presentación do libro, os propios Bolechas regalarán un exemplar a cada participante.

Actividades para novembro e decembro (I)

2009-11-01T18:52:00.009+01:00

O VERBUM segue ofertando todos os domingos actividades matinais. Neste caso, durante o mes de novembro nos propón ABRACADABRA! unha serie de espectáculos familiares nos que se mestura maxia e música e nos que o público terá unha activa participación. Os magos proceden todos do grupo "Magia a la carta" da nosa propia cidade.

Domingo 1 : Cyrille Sinclair
Domingo 8 : Mago Pablo
Domingo 15 : Javier Muro
Domingo 22 :Javier Muro
Domingo 29 : Cyrille Sinclair

Horario: de 12.00 a 13.00 horas
Prezo: 1 € / asistente

Aforamento limitado a 50 participantes.

Este sábado 7 de novembro Retrouso organiza no centro de Bueu, baixo carpa, a primeira Foliada dos Cativos. Empezará ás 17.30h da tarde, a carón da praza de abastos de Bueu.

Haberá magosto popular e escenario con equipo de son aberto á libre participación.

Coa Foliada dos Cativos a idea é ofrecer un punto de encontro e unha oportunidade para que toquen e bailen os máis pequenos: que suban ao escenario, que fagan súa a festa, que vexan que outros rapaces e rapazas tamén tocan e bailan, que compartan os seus gustos.

Por suposto, o escenario tamén estará aberto para os adultos, pero dando prioridade aos máis novos, mentres comen unhas castañas.

O Concello de Bueu colabora coa iniciativa, que forma parte do programa de Festas de San Martiño.

Pola súa banda a Asociación Cultural "O Coto" segue coas súas actividades:

Festa do Cabazo: o domingo 15 de novembro no CEIP Carballal durante todo o día Como sempre haberá mostra de artesanía e degustación de productos típicos feitos con cabazo todo o día.

Mañá: (11:30) Grupo de Gaitas "Cans de Palleiro" da S.C.D.R. Helios. Pregón a cargo do escritor e xestor cultural e da comunicación Francisco Castro. Banda de música UNIÓN MUSICAL DE CABRAL.

Tarde: (17:30) Grupo de Gaitas e Percusión RUEIRO do C.C.R. Rueiro. Grupo de Pandereteiras AS LAGHARTEIRAS.

Peque-Ruta de novembro: O domingo 8 de novembro de 2009: Ruta: C anón do río Mao (Forcas-San Lourenzo) Percorrido: 7 km. Hora de saída: 10:00 horas-Transporte en autobús Observacións: Fermoso percorrido pola Ribeira Sacra cunhas vistas espectaculares polo canón do río Mao o cal desemboca no río Sil. Ó remate da ruta faremos un magosto.Agotados todos os billetes do autobús.

Peque-Ruta de decembro: 13 de decembro de 200. Ruta: Antigo camiño Barciadamera-Covelo Percorrido: 6 km. Hora de saída: 10:30 horas Observacións:Ruta guiada por Joaquín González (Presidente da Comunidade de Montes de Barciadamera)

Chegou o outono e comezan os magostos

2009-10-23T17:18:00.006+02:00

MAGOSTO POPULAR

Día 24 de outubro 09 no torreiro da festa de Matamá (Vigo)

PROGRAMACIÓN

16:00 h MUSICANDAINA sendeirismo para nen@s .Percorrido por Matamá . Polo camiño actuará o contacontos SAÚL.
(A saída será dende o torreiro de Matamá. Se chove faranse actividades na carpa).

18:30 h "CODIA E MIOLO" Espectáculo de animación para nen@s

19:30 h Reparto de castañas. Cunha consumición castañas gratis.

20:00 h OBRADOIROS: cabazas do samaín, confección de instrumentos musicais, xogos tradicionais, maquillaxe para nenos...

22:00 h "OS TREBELLOS DO MORRAZO" grupo de música tradicional.

23:00 h SERÁN POPULAR trae o teu instrumento e participa.

00:00 h QUEIMADA

¡¡¡ ENTRADA DE BALDE . HABERÁ CARPA POR SE CHOVE!!!

Marcha ASPANAEX

2009-10-20T09:46:00.008+02:00

O vindeiro domingo, día 25 de outubro, celebrarase a XXVI Marcha ASPANAEX baixo o lema "Camiña con nós". É esta toda unha tradición solidaria que cada ano vai un pouco a máis.

Esta marcha é un evento que caracteriza a esta asociación dentro da cidade de Vigo, e que lle permite realizar unha labor de concienciación e sensibilización cara ás necesidades das persoas con discapacidade intelectual así como a obtención de fondos por medio tanto da doazón a título individual de cartos como da obtención dos mesmos por medio de patrocinadores.

Os principais datos da mesma son:

Percorrido: aproximadamente 9 kms. Parque de Castrelos, avenida de Castrelos, praza de América, rúas Camelias, Venezuela, Gran Vía, Urzaiz, Príncipe, e Elduayen, Paseo de Alfonso XII, rúas Pi y Margall e López Mora, Praza de América, avenida Fragoso, rúa Balaidos e Parque de Castrelos.)

Horario previsto: saída ás 10:30 horas (tede en conta que a noite anterior cambia a hora, co que a efectos de luz e calor serán as actuais 11:30) e chegada entre ás 12:30 e as 13:00 horas.

Avituallamento: ó longo do percorrido repartese auga e ó chegar á meta faise entrega dunha bolsa cun bocadillo de xamón, froita e bebida.

Asistencia: Policía Local, Protección Civil, Cruz Vermella e Radiocebeistas.

Procedemento: se xa tes o carnet, éncheo cos teus datos e busca patrocinadores por cada km que andes; se non tes carnet, no Parque de Castrelos o domingo dia 7 podes obtelo. Para facer entrega da axuda económica podes dirixirte ao primeiro ou último control e depositalo nas huchas. Tamén facendo entrega ao responsable da MARCHA no teu colexio.

Recomendacións: Leva calzado e roupa cómoda. Están prohibidas aas bicis e os patinetes. Vai pola beirarrúa e fai caso á polícia e aos responsables da marcha Aspanaex.Se cansas, podes subir a un autobús de Vitrasa que vai detrás dos camiñantes e fai o percorrido completo.

Sorteo: Ao remate da marcha faise un sorteo en directo de regalos doados por diversos comercios e empresas da cidade entre todos os asitentes. Estes regalos se entregan no momento. Se non aparece o afortunado volven a sortearse ata a súa entrega total.

Máis propostas para os fins de semana

2009-10-12T20:07:00.007+02:00

Ainda que algunhas das datas de celebración xa pasaron, gostanos que voltedes a ter en conta que os diversos museos e centros culturais vigueses ofertan durante todo o curso escolar actividades didácticas pensadas para os máis pequenos da casa:

VERBUM-SAMIL: todos os domingos do mes de outubro, de 12:00 a 13:30, e por 1€ por persoa, presenta uns obradoiros de animación á lectura ambientados nun mundo de fantasía a cargo dos “libri”.Os nenos coñecerán aos “libri”: Os reis Biblos, o príncipe Lector, a princesa Leonor, o Excmo. Sr. D. Título, Don Capítulo, Srta. Ortografía, Mrs. Bibliografía, Sor Lectura, Señor Alfabeto, Don Fonema, Ilustriña, Neno Ebook, Meiga Chuchona e o malvado Cansino, as súas características e misións específicas: xogos de representación, taller de dramatización, contacontos, xogos de coordinación, taller de escritura, etc. AFORAMENTO LIMITADO A 50 NENOS. ENTRADA POR RIGOROSA ORDE DE CHEGADA.

MARCO: todos os venres de 18:00 a 20:00, e sábados e domingos de 12:00 a 14:00 presenta Caderno de viaxe. Familias. Pouco despois do inicio do curso escolar inaugúrase no MARCO a exposición individual de JORGE BARBI. Paralelamente a esta mostra, o departamento educativo do MARCO pon en marcha un programa especial dirixido a escolares e familias, en torno ás obras presentes en salas, e á traxectoria deste artista.

A atenta mirada de Jorge Barbi sobre o seu ámbito, a súa relación emocional coa natureza que o rodea, e os seus xogos de percepción, teñen o seu reflexo nas actividades programadas para esta tempada, que no caso do público escolar se deseñan especificamente para cada nivel educativo: ‘Pintando as ondas’ (Educación Infantil), ‘Gotas de luz’ (Primaria), ‘Palabras quebradas’ (Secundaria e Bacharelato).

Ademáis dos museos, tamén o Concello e algunhas entidades volven a ofrecernos posibilidades de aproveitamento do tempo de lecer contactando coa natureza por medio do sendeirismo:

Concello de Vigo. Vigo Camiño a Camiño: É un programa multidisciplinar da Concellería de Medioambiente onde os participantes poden facer unha ruta polos entornos máis significativos do municipio e do Parque Nacional Marítimo Terrestre das Illas Atlánticas de Galicia. Con anterioridade á realización da ruta, os visitantes dispoñen de información descargable dende a web para axudarlle a comprender e respectar o espacio que vai visitar. Os participantes do Programa deben inscribirse previamente para reservar a súa praza en cada ruta, a través do servizo telefónico de atención telefónica do Concello de Vigo - 010. O luns anterior a cada ruta comenza o prazo de inscripción, salvo a semana do 17 e 18 de outubro que comenza o martes con motivo da festividade do Día da Hispanidade (luns 12 de outubro).

Asociación Cultural "O Coto": volve a ofrecernos as súas Peque-Rutas pensadas para os máis pequenos (ainda que tamén organiza rutas longas para adultos). A vindeira ruta será o día 25 de outubro de 2009 polas Pontes do río Lérez (Pedre). Trátase dun percorrido de 6 km. pola ribeira do río Lérez con fermosas pontes de pedra que o cruzan. Hora de saída: 11:00 horas dende o Colexio Público Carballal-Cabral na Rúa Lomba 1. Levade a vosa comida e bebida para pasar o día no monte. Máis información nos teléfonos: 986 487 957 e 676 524 529.

Nota: premendo nas fotos e nos títulos das diversas entidades tedes un enlace con cadansúa páxina web ou documentación en formato .pdf.

Propostas para este fin de semana

2009-09-23T09:30:00.007+02:00

O vindeiro domingo, día 27 de setembro, temos dúas interesantes ofertas para o tempo libre que vos recomendamos dende a ANPA:

A Asociación Cultural "O Coto" de Cabral organiza unha peque-ruta de 7 kms. pola beira sur da Ría de Pontevedra: entre Cabo Udra e Beluso, un fermoso percorrido co mar sempre como testemuña dunha caminata que empezará na praia de Castiñeira, pasará pola praia de Tulla e rematará en Beluso para voltar outra vez ao punto de partida.

Horario: ás 11:00 saída do Colexio Carballal (Cabral), Rúa Lomba 1.

- Traede a vosa comida e bebida para pasar o día no monte.

- Máis información nos teléfonos: 986 487 957-676 524 529.

- Envíade as vosas dúbidas ou preguntas a: andaina@ocoto.org

O museo VERBUM – Casa das Palabras retoma, como vén sendo habitual logo do verán e co inicio do curso escolar, os seus obradoiros didácticos. Para este domingo ten preparada unhas sesión de monicreques orientada a nenos e nenas a partir dos 5 anos.

Horario: de 12:00 a 13:30.

Prezo: 1 €/asistente.

Aforo: limitado a 30 nenos ata completar aforo e por rigorosa orde de chegada.

Gripe A (H1N1)v

2009-08-28T19:16:00.004+02:00

Levamos meses oíndo falar da famosa Gripe A e do perigosa que pode chegar a ser.

Sen querer levantar unha onda de temor gostaríanos mantervos informados tan cedo como sexa posible de calquera incidencia ou novidade que se produza no noso ámbito máis próximo.

Por tanto a partires de hoxe manteremos tres enlaces fixos na barra lateral deste blog:

Un coa páxina web que sobre esta epidemia mantén permanentemente actualizada o SERGAS.
Outro coa páxina web sobre o mesmo tema que ten aberta o Ministerio de Sanidade e Política Social.
E un terceiro coas novas que vaian saindo a diario en prensa sobre a pandemia e filtre Google Novas.

Polo de agora nada máis. Tentaremos achegar información fiable o máis rápido que poidamos.

O video do Xabarín Club xa se está emitindo

2009-08-26T16:00:00.009+02:00

Efectivamente, o video musical que o grupo de Vigo Mr. Carácter grabou íntegramente no noso colexio a finais do curso pasado xa está sendo emitido pola TVG dentro da programación infantil do Xabarín Club.

Para que non vos tomedes moitas molestias en buscalo aquí vos deixamos o vídeo. Dende logo este é outro xeito de ver o cole ¿non? Agardamos que vos guste.

Resultados da enquisa sobre o uso do Galego

2009-08-14T16:39:00.005+02:00

Segundo a web da Consellería, ¡vaia sorpresa!, "a sociedade galega é bilingüe". ¡Manda truco!

Nós xa o sabiamos, pero seica facía falla unha "enquisa" para ter a certeza. A cuestión é ¿qué pensa facer a nova Xunta de Galicia?:

¿Acometer un camiño que leve á diglosia lingüística da nosa sociedade e, por tanto, a unha segregación intelectual e social?.
¿Manter unha liña de continuidade cara a un verdadeiro bilingüísmo garantido polo anterior Decreto?.
¿Permitir unha castelanización brutal do ensino e, por tanto, unha regresión de máis de 30 anos de democracia?.

... e xa postos, voltar á segregación dos alumnos e alumnas por sexo.

Xa se vai clarexando o sistema de axudas para libros

2009-07-24T18:42:00.010+02:00

Estes últimos días están aparecendo informacións na páxina web da Consellería de Educación da Xunta de Galicia (o chamado Portal Educativo) sobre os tramos de renda per cápita e os cursos que poderán solicitar as axudas para a compra de libros.

O día 19 de xullo publicaban que a consellería aumentará a 104 euros por neno as axudas a rendas medias para a compra de libros de texto e proporcionaban os primeiros datos sobre qué tramos se contemplarían, e que as axudas chegarían ao 40% das familias galegas.

O día 23 de xullo engadían algún detalle como que o Consello da Xunta ven de comprometer (ese mesmo día) o orzamento para o programa de axudas á compra de libros de texto que substituirá progresivamente ao de préstamo vixente. Concretamente, serán 6.926.296 euros para un sistema que dotará ás familias de bolsas en función da súa renda permitindo que a Administración se centre naquelas máis desfavorecidas.

O 14 de agosto finalmente confirmaban o que xa se viña decindo con anterioridade... e así quedan as cousas.

O 25 de agosto publicitaban finalmente a Orde do 20 de agosto pola que se convocan bolsas para a adquisición de libros de texto, materiais curriculares e material didáctico e complementario destinadas ao alumnado matriculado en centros sostidos con fondos públicos en 1º, 2º, 5º e 6º de educación primaria e en educación especial no curso escolar 2009/2010, publicada ese mesmo día no D.O.G.

Establecense tres niveis de renda:

Familias cunha renda per cápita de menos de 5.400 € /ano (tres membros cuns ingresos de menos de 1.157 €/mes, catro membros cuns ingresos de menos de 1.542 €/mes ...) que recibirán unha axuda de 180 € por fillo/a.
Familias cunha renda per cápita de entre 5.400 e 9.000 €/ano (tres membros cuns ingresos de entre 1158 €/mes e 1928 €/mes, catro membros cuns ingresos de entre 1543 €/mes e 2571 €/mes...) que recibirán unha axuda de 104 € por fillo/a.
Familias cunha renda per cápita de máis de 9.000 €/ano (tres membros cuns ingresos de máis de 1929 €/mes, catro membros cuns ingresos de máis de 2572 €/mes...) que non recibirán axuda algunha.

Tamén hai que sinalar os seguintes casos especiais:

No caso de familias monoparentais o primeiro tramo sube ata 6.000 € de renda per cápita, de xeito que unha nai ou un pai cun fillo ó seu cargo e que gañe menos de 857 €/mes (en caso de ser dous os fillos gaña menos de 1285 €/mes) terá os 180 € por cada un dos fillos.
No caso de alumnos de educación especial, será de 250 € por fillo independentemente do nivel de renda.
Contemplarase de forma especial (ainda non se sabe cómo) ás familias con algún membro na unidade familiar cunha discapacidade recoñecida igual ou superior ao 33%.

CURSOS AOS QUE SE APLICARÁN ESTE CURSO AS AXUDAS:

Ese mesmo día destacaban dende a consellería que o sistema de axuda á compra de libros comezará nos dous próximos cursos(2009-2010 e 2010-2011 para 1º, 2º 5º e 6º de Primaria e Educación Especial. No curso 2011-12 sumaranse 1º e 3º da ESO, para pasar a cubrir todos os niveis a partir do curso 2012-13.

Por último, a Consellería quere lembrar que a convocatoria para estas axudas se publicarán no Diario Oficial de Galicia durante o verán e que as familias poderán solicitalas nos centros, nas delegacións territoriais ou na páxina web www.edu.xunta.es a partires do día 1 de setembro e poderán ser entregadas durante un mes a partires dese día nas secretarías dos centros educativos, que deberán proporcionar asesoramento ás familias que o requiran.

De libros de texto, gratuidades pasadas e dúbidas sobre o futuro

2009-06-29T23:13:00.010+02:00

Dende hai xa algún tempo, exactamente dende que saltou a noticia como unha bomba no medio e medio do sistema educativo galego, moitos pais e nais veñen preguntando qué vai pasar o vindeiro curso cos libros de texto. A nosa resposta viña sendo un leve (ou non tanto) encollemento de ombreiros e un "Ainda non se sabe nada. Estade atentos e xa vos comentaremos".

Pouco a pouco fomos atopando algunha información, pero oficialmente ainda non hai nada (nen para as ANPAS nen para as direccións dos centros, nen para case ninguén) así que todo o que podamos poñer aquí será unha mera especulación ata que no D.O.G. saia publicado o réxime de axudas (ou non) para a merca de libros de texto.

Como este é un tema que levanta opinións dispares e hai persoas que consideran inxusto que familias con recursos se beneficien dun programa de gratuidade de libros de texto e outras que pensan que nun sistema no que o ensino é obrigatorio o lóxico é que os materiais educativos tamén sexan de balde. Por outra parte, as medidas postas en marcha en sistemas educativos do noso entorno non son unánimes, e van desde unha gratuidade total até unha parcial. Máis datos e opinións sobre o tema podedes velos aquí.

Vistos se non todos, alomenos moitos dos puntos de vista, temos que facer as seguintes CONSIDERACIÓNS:

O sistema anterior (gratuidade parcial de moitos libros de texto) era igual para todas as rendas familiares, mentres que o que semella vir volta ao sistema de bolsas de libros en función da renda familiar, logo semella ter un carácter máis "social" e "solidario".
Pero este carácter solidario esváese porque hai moitas profesións e negocios que se prestan a unha dobre ou incluso nula contabilidade, o que permite acceder a becas a xente que non as precisa.
O sistema anterior xeraba moito traballo no centro educativo e o actual debería alixeirar desta carga a mestres e equipos directivos dos centros.
Moita xente queixábase por ter que obrigar aos seus fillos a coidar os libros (xa que había que entregalos no colexio de xeito impecable, sen anotacións, sen suliñar, etc.) en vez de usalos como ferramenta activa de traballo. Sobre isto hai moito debate aberto ainda hoxe.
Hai quen opina que o sistema anterior era máis democrático porque resultaba máis equitativo porque xa que os estudos son obligatorios e gratuitos, os libros obligatorios tamén deberían selo.
Non parece moi axeitado que en momentos de crise económica se suscite a eliminación dunha axuda xeralizada, ainda que se poida incrementar para os sectores máis desfavorecidos. De feito, por mor da situación de inestabilidade económica, a renda do ano pasado non ten que ver necesariamente coa situación económica actual de moitas unidades familiares.
Algúns centros de ensino optan por non empregar libros de texto en determinados ciclos educativos e fomentar outro tipo de aprendizaxe. ¿Qué axudas se contemplan para estes centros?
Moitos alumnos/as que poderían ter solicitado as Axudas Municipais Escolares (AMES) para merca de libros convocadas pola Concellería de Benestar Social do Concello de Vigo pero non o fixeron contando co programa de gratuidade que viña funcionando. Agora se atopan desprotexidos dun e doutro lado.

Como queira que ainda non está nada claro o xeito en que se artellarán as futuras axudas ou bolsas para adquisición de libros de texto, deixamos unhas RECOMENDACIÓNS para pais e nais do noso centro:

Os alumnos/as de E. Infantil non estaban incluidos nos sistema de gratuidade, así que a cousa para eles segue como estaba (salvo novidade lexislativa). Segundo as últimas novas non haberá axudas para libros neste ciclo educativo, así que ¡¡a seguir pagando toca!!
Aos alumnos/as de 1º e 2º de E. Primaria este ano tocáballes mercar libros así que a nosa recomendación é que, si os mercades, pedide despois a factura polo importe dos mesmos. Non vale co ticket de compra, xa que non leva o voso NIF.
Para os alumnos/as de 3º e 4º de E. Primaria hai libros do ano pasado no centro, así que os libros que hai na lista son os que non entraban no programa de gratuidade. Se este curso seguira o programa de gratuidade o tema pecharíase sen máis problema, pero como pode que haxa bolsas para merca de libros a nosa recomendación tamén é pedir factura a voso nome. Máis non vos van cobrar ¿nonsí?
Os alumnos/as de 5º e 6º de E. Primaria este curso tiñan que mercar libros, así que tamén recomendamos que, cando os merquedes, pidades factura a voso nome e co voso NIF en previsión das posibles axudas que poidan establecerse.

Hai ANPAS que están moi disgustadas polo cambio de sistema e están dispostas a facer un plante á Consellería de Educación recomendando aos pais e nais que non merquen libro algún e aparezan o 10 de setembro (día de inicio do vindeiro curso escolar) coas mans valeiras, como xeito de presionar á Xunta.

Nós veremos a postura de FOAMPAS e de diversos colectivos educativos e sociais, así como as súas recomendacións, e seguiremos informando do que vaia acontecendo.

Actualizaciónes:

Aquí vos deixamos un enlace co encontro dixital que tivo lugar o día 1 de xullo na web do xornal "La Voz de Galicia" con José Manuel Pinal (Director xeral de Centros de la Consellería de Educación) e no que responde a preguntas que calquera de vós podería facerlle. Resulta moi interesante o que dí, porque indica por dónde vai ir a política da Xunta neste tema.
O Conselleiro semella non ter claras ainda moitas cousas xa que dubida sobre posibilidade de segregar aulas por lingua (en relación á enquisa sobre o uso do galego), sobre as futuras axudas para a compra de libros, e sobre as axudas a centros que segregues por sexo.
Redactamos unha nova entrada no blog coas novidades que foron aparecendo no mes de xullo. Tramos de renda, cursos nos que se aplicarán as axudas, etc.

Sobre a enquisa da Consellería de Educación.

2009-06-16T11:23:00.003+02:00

Abaixo poedes atopar o comunicado INFORMATIVO E EXPLICATIVO realizado por distintas organizacións en relación coa famosa Enquisa sobre o uso do galego nos centros educativos. Ademáis, aquí tedes unha copia do tríptico informativo que promove a Coordinadora galega de equipos de normalización e dinamización lingüística e apoian dende a Área de normalización lingüística da Universidade de Vigo, o Servizo e normalización lingüística de Universidade da Coruña e o CNL de Escolas Católicas Galicia.

Tamén deixamos acceso á unha carta de presentación dese tríptico onde se explica pormenorizadamente os puntos máis escuros da enquisa que xa debedes ter nas vosas mans.

Como non queremos que nos tilden de tendenciosos, deixamos tamén outros enlaces como:

Galicia Bilingüe detecta un alarmante intento de condicionar la respuesta sobre el idioma.
Galicia Bilingüe defiende la viabilidad de que se permita ya usar el español en el aula.
Folleto de Galicia Bilingüe no que se anima a participar na enquisa.
Opinión en el Blog Barrio de Los Rosales de A Coruña desde el que se dice que no habrá educación en castellano en Galicia.
A Consellería de Educación e Ordenación Universitaria defende a plena legalidade da consulta aos pais sobre o uso da lingua.
Artigo do diario dixital Vieiros sobre o manifesto asinado por organizacións sindicais e colectivos educativos.

Parecenos que é interesante coñecer esta información xa que, como vos daredes conta, non é o mellor momento do curso escolar para facer unha enquisa:

Cando está a rematar o curso.
Cunha semana escasa de marxe para respostar.
Sen garantizar a intimidade e confidencialidade dos datos persoais.
Con preguntas plantexadas de forma enganosa.

Pregamosvos que prestedes especial atención ao que se explica no punto 3 pois é información que non todo o mundo coñece.

“As organizacións abaixo asinantes, ante o anuncio da Consellaría de Educación e Ordenación Universitaria de realizar unha consulta nos centros educativos en relación co uso do galego, queren transmitir á comunidade educativa e á sociedade galega no seu conxunto as seguintes cuestións:

Esta é unha consulta, deseñada á marxe da comunidade educativa, carente de rigor na metodoloxía de distribución e no procesamento de datos e sen garantías para a intimidade das persoas e a protección de datos de carácter persoal.
O Plan Xeral de Normalización da Lingua Galega, aprobado por unanimidade de todas as forzas políticas con representación no Parlamento Galego en 2004 (PP, PSOE e BNG), é un punto de encontro na definición dos obxectivos para o ámbito educativo. O Decreto 124/2007, de 28 de xuño, recolle este acordo do Parlamento Galego dándolle carácter normativo e a súa legalidade foi avalada por varias sentenzas do Tribunal Superior de Xustiza de Galicia. Esta norma pretende garantir unha competencia similar en galego e en castelán.
O obxectivo de que ao remate do ensino obrigatorio os nenos e as nenas sexan plenamente competentes nas dúas linguas oficiais non pode conseguirse con menos do 50% das materias impartidas en galego. Coa enquisa que se envía aos centros o mantemento desta porcentaxe só se garantiría marcando a resposta “en galego” ou “todo en galego”, pois esta opción non fai referencia á totalidade do ensino, senón soamente ás materias que habería que impartir hoxe en galego –o 50%-, xa que a enquisa non recolle a opción de que todas as materias agás as linguas, poidan ser impartidas en galego.”

A Mesa pola Normalización Lingüística · Asociación de Directores e Directivos de IES de Galicia · ASPG · CAE· CCOO · CIG · Coordenadora de Equipas de Normalización Lingüística de Ferrolterra · Coordinadora Galega de Equipos de Normalización e Dinamización Lingüística CSI-CSIF · FETE-UGT · Nova Escola Galega · STEG ·

Como consecuencia do afirmado neste manifesto engadimos unhas observacións que poden axudar a facerlle entender á Xunta de Galicia que non nos gusta o xeito en que están a facer as cousas:

As enquisas non están numeradas, logo non se sabe con exactitude cántas foron repartidas realmente, nen contan cun resgardo co que poder solicitar certificación de que se participou (ou non) na enquisa, nen contan con identificación persoal, co que endexamáis se poderá demostrar quén opinou. A validez estatística desta enquisa é absolutamente nula e préstase (e non é por sospeitar) á falsificación de todas e cada unha das non presentadas, xa que o único límite legal desta enquisa é o número total de alumnos escolarizados en toda Galicia en cómputo global. Deste xeito, cada enquisa non devolta (e moitas pódense perder) é unha enquisa que pode ser cuberta por outra persoa interesada en obter un resultado determinado.
Por termos en conta as consideracións anteriores, propoñemos marcar a opción “galego” (en Infantil e FP) e “todo en galego” (en Primaria e Secundaria), porque desta maneira estariamos a indicar que queremos en galego as materias que hoxe se deben impartir na nosa lingua, tal e como indica o decreto en vigor. Non significaría, por tanto, que optemos por todo o ensino en galego, pois esta opción non se considera.
Igualmente xulgamos preciso transmitir a nais e pais a necesidade de incluíren no apartado de observacións da enquisa peticións semellantes as que expresamos a continuación:
- Desexaría que o ensino fose en galego, unha opción que non recolle esta enquisa.
- Estou a favor da aplicación do decreto actual de promoción e uso do galego no ensino, realizado co consenso da comunidade educativa e que emana do Plan Xeral de Normalización da Lingua Galega, aprobado por unanimidade no Parlamento Galego.
- Todo o anterior fai que os resultados desta consulta non me parezan lexítimos.

Xogos didácticos para o verán

2009-06-09T10:10:00.010+02:00

A Concellería de Normalización Lingüística do Concello de Vigo remitiu á ANPA unha carta na que se nos achegaba unha serie de enderezos web con xogos didácticos para que o alumnado vigués continúe mantendo contacto coa lingua galega e cos coñecementos adquiridos durante o curso escolar mentres xoga este verán.

Os enderezos recomendados son os seguintes:

Trivial GZ é unha versión do clásico Trivial, pero en galego e con algunhas preguntas relacionadas con temas galegos... ainda que ten moitas máis cousas.

Xoga con nós són xogos educativos desenvolvidos pola Xunta de Galicia: O aforcado de San Xoan (vocabulario), os quebracabezas (habilidade espacial), Desfachicabola (habilidade) e O Preguntoiro (coñecementos sobre Galiza).

Xogos tradicionais de ordenador diversos (de forza, de lanzamento, de velocidade e de precisión) cunha mesma familia, os Perez de Pardillo, como protagonista.

Xogos de xeografía sobre Galiza, pero tamén sobre España e o resto do mundo. Crebacabezas, Cómo se chama? ou Onde está? son algunas das súas seccións.

Vistos e examinados prácticamente todos damos o noso aprobado alto á meirande parte destes xogos, así que xa sabedes... ¡a xogar!

Nota: as imaxes corresponden ás webs recomendadas. Premendo sobre os enlaces ou sobor das imaxes accédese ás mesmas.

Visitas treatalizadas e obradoiros no VERBUM

2009-05-20T20:04:00.008+02:00

VISITAS TEATRALIZADAS AO VERBUM

Debido ao grande éxito acadado polas visitas teatralizadas que tiveron lugar no Verbum co gallo do seu VI aniversario o museo oferta novas sesión os días 23 e 30 de maio e o 6 e 13 de xuño, todos eles sábados.

O horario é de 13 a 20.00 horas

Trátase dun espectaculo teatral dirixido pola empresa EscénaTe, deseñado especialmente para o Verbum. Os actores conducirán aos visitantes no seu percorrido pola exposición.

A reserva de entradas exclusivamente por vía telefónica no 986 240 130.

Só se permite reservar un máximo de 5 entradas por persoa.

O percorrido ten unha duración 50 minutos e a entrada gratuíta.

Máis Información:

986 240 130.

* * * * * * * * *

OBRADOIROS AO REDOR DA FIGURA DE RAMÓN PIÑEIRO

Ademáis, este mes seguen os obradoiros para nenas e nenos a partires dos 4 anos e familias que, co gallo do día das letras galegas (17 de maio) están dedicados a Ramón Piñeiro, a quen se lle quere render o tributo que merece.

Para iso no VERBUM teñen preparada unha chea de actividades para que os máis pequenos da casa coñezan a etapa deste escritor como fundador e director da editorial Galaxia dun xeito divertido e diferente. Como dous dos domingos xa pasaron, poñemos de seguido as actividades que quedan para o resto do mes.

Como sempre, o horario é de 12.00 a 13.30 horas e o prezo é de 1 € por asistente.

DOMINGO 24. “O meu cómic”.

Actividades didácticas: realización dun cómic de catro tiras, cada unha con cadansúa historia. A partir dunha pequena introdución, os nenos ilustrarán cada viñeta e daranlle vida co texto elixido. Para os máis pequenos, a actividade consistirá en que pinten e ordeen cronolóxicamente distintas accións da súa vida cotiá.

DOMINGO 31. “O meu libro de animais”.

Actividades didácticas: a partir de varias características de catro animais, crearáse o libro dos animais. Cada neno deberá colocar cada animal coa súa característica e realizar un debuxo sobre el. Os máis maiores poderán modificar as características e crear un animal novo; os máis cativos terán a imaxe do animal ao que lle faltarán algunhas partes que deberán pegar e pintar.

AFORAMENTO LIMITADO A 50 NENOS/AS.

ENTRADA POR RIGOROSA ORDE DE CHEGADA

Día do patín

2009-05-17T22:57:00.004+02:00

Unha nutrida representación do alumnado do colexio participou hoxe mesmo na xa tradicional festa do patinaxe de Vigo, o "Día do patín". O pavillón das Travesas foi testemuña da evolución das nosas nenas e nenos en dous grupos de diferente idade e técnica.

Os máis pequenos actuaron primeiro e, a pesares da súa pouca experiencia e dos nervios naturais neste tipo de acontementos, non cometeron erros de bulto, derrocharon simpatía e foron moi aplaudidos por un público que a esas horas tan temperás ainda non enchía as gradas do recinto.

O grupo dos maiores pola súa banda contaba con dous subgrupos, xa que os máis maiores xa levan tres ou máis anos e dominan técnicas e posturas máis arriscadas. Así e todo a coreografía acadou un nivel de complexidade moi meritorio para a súa idade e poucas horas de práctica específica.

Ó remate da festa todos os participantes levaron de recordo un diploma acreditativo, unha bolsa neveira detalle do Intituto Municipal dos Deportes (IMD) e algúns globos e caramelos en agradecemento pola súa participación.

Quen queira ver as súas evolucións sobre as catro rodas e ainda non tivo a oportunidade de facelo dispón dunha nova oportunidade na Festa-Exhibición que a ANPA está a organizar para o vindeiro venres 5 de xuño e da que xa teredes máis novas próximamente.

Mentres tanto, pódense ver unha morea de fotos pinchando na presentación de diapositivas da barra lateral do blog ou aquí mesmo.

Festival Internacional de Títeres de Redondela 2009

2009-05-14T08:00:00.000+02:00

Entre os vindeiros 18 e 24 de maio terá lugar en Redondela o Festival Internacional de Títeres “Memorial Juanjo Amoedo”, que este año pensa celebrar por todo o alto o seu décimo aniversario.

O certame de teatro de títeres máis importante de Galicia é unha proposta repleta de espectáculos dunha alta calidade técnica e artística que non deixará indiferente a ninguén, xa que contará coa participación de 24 compañías de oito países de todo o mundo, consolidando así a súa repercusión internacional. Os cidadáns poderán divertirse coas actuacións de grupos procedentes de Alemania, Arxentina, Bélxica, Brasil, Eslovenia, Francia, Italia e a República de Benín, así como de outros grupos nacionais chegados dende Andalucía, Aragón, Castilla-León, Cataluña e Galicia, que realizarán as súas representacións tanto no Multiusos de A Xunqueira como nas rúas do centro urbano. Ademáis, e do mesmo xeito que nas pasadas edicións, a programación ampliaráse aos municipios de Moaña, Porriño e O Grove.

Respecto ao programa de actuacións e á variedade de compañías que participarán no festival, cabe destacar que se trata dunha festa da diversidade que encheará de novo Redondela de marionetas de fíos, títeres tradicionais, vangardas creativas, xogos participativos, animación de rúa e un montón de sorpresas.

Miguel Borines, voceiro da Asociación Xente Titiriteira, que organiza a certame xunto coa Concellería de Cultura, explica que “seguindo coa filosofía do seu creador, Juanjo Amoedo, o festival continúa na línea de involucrar na súa celebración á meirande cantidade posible de institucións, de sectores sociais e de xentes da vila para manter este acontecemento como a maior manifestación cultural de Redondela”.

O Festival de Títeres é o acontecemento cultural máis exitoso dos que se celebran en Redondela, como amosan as cifras de asistencia, xa que na pasada edición se superaron sobradamente os 25.000 espectadores nas diferentes seccións da programación. Deste xeito as previsións para este ano son inmellorables, e dende a organización contan con ter perto de 30.000 asistentes.

Vídeo de los franceses Dynamogéne y su "Cymbalobylette"

Información vía Faro de Vigo

Actividades para rapaces na Biblioteca Pública

2009-05-13T21:51:00.008+02:00

Como se fai dende hai moito tempo os SÁBADOS, AS 12 H. na Biblioteca Central de Vigo hai contos.

Este mes toca:

Sábado 9: “O bardo Abelardo” con Servando Barreiro (Todos os públicos)
Sábado 16: “Contos dos sete mares” con Tusitala (Todos os públicos)
Sábado 23: “¿A qué cheiran os contos?” con Tarabelos (+ 3 anos)
Sábado 30: “O principiño en Madagascar” con Miradas de caracol (Todos os públicos)

Ademáis, os xoves alternos ten lugar a actividade “A BIBLIOTECA DOS PEQUENOS” ás 18 h

Consiste nunha diversidade de actividades para pequenos de 18 meses a tres anos

Xoves 14: Visita de Sicolina
Xoves 28: Xogo de interculturalidade con Titirimaña

Biblioteca Publica Nodal De Vigo
Rua Joaquín Yáñez 6
36202 Vigo, España
986 229 074‎ 986 227 342‎ - Fax

Libros para nenas e nenos con premio

2009-05-11T23:15:00.002+02:00

Dende hai unha morea de anos, tantos coma 29, o Banco del Libro de Venezuela elixe entre os libros editados en lingua castelá para nenos e xóvenes os Mellores Libros para Nenos e Xóvenes. A esta edición se presentaron 140 títulos infantiles y juveniles.

Os mellores libros infantís escritos en castelán foron:

"La merienda del señor verde", de Javier Sáez Castán (España, Ekaré)
"La noche es un tren", de Alejandro Sandoval Ávila e ilustrado por Cristina Müller (España, Anaya)
"Sin los ojos", de Esteban Valentino con ilustracións de Javier Zabala (España, SM)
"Tinguilitón, tinguilitón", compilado por Evelyn Torres e con ilustracións de Rosana Faría (Venezuela, Ediciones B)
"Trabalengüero", compilado por Valentín Rincón, Gilda Rincón y Cuca Serratos (México, Nostra)

Os mellores libros infantís escritos noutra lingua (pero verquidos ao castelán):

"El contador de cuentos", de Saki con ilustraciones de Alba Marina Rivera (España, Ekaré) tamén galardonado co premio Bologna Ragazzi New Horizons 2009.
"Emigrantes", de Shaun Tan (España, Bárbara Fiore Editora)
"No es una caja", escrito e ilustrado por Antoinette Portis (España, Faktoría K de Libros)
"Pomelo se pregunta", de Ramona Badescu e ilustrado por Benjamin Chaud (España, Kókinos)
"Rugidos y orejas", escrito e ilustrado por Chih-Yuan Chen (España, Thule)

Os mejores libros xuvenís escritos en castelán:

"El hormiguero", de Sergio Aguirre (Argentina, Norma)
"El Juramento de los Centenera", de Lydia Carreras de Sosa (España, Edelvives)
"Libro del mal amor", de Fernando Iwasaki (Perú, Alfaguara)
"Ocho venado, garra de jaguar, héroe de varios códices", de Krystyna Magdalena Libura (México, Tecolote)
"Yo, simio", de Sergio Gómez (España, Anaya)

E os xuvenís escritos noutra lingua (traducidos de xeito convinte):

"Corazón de tinta", de Cornelia Funke (México, Fondo de Cultura Económica)
"La invención de Hugo Cabret", de Brian Selznick con ilustracións de Selznick y David Saylor (España, SM)
"La red del cielo es amplia", de Lian Hearn (España, Alfaguara)
"La tienda del cielo", de Deborah Ellis (España, Edelvives)
"Las aventuras de Ulises", de Giovanni Nucci e con ilustracións de Chiara Carrer (España, Siruela)

Recibiron mención especial "Estaba oscuro y sospechosamente tranquilo", de Einar Turkowski (España, Libros del Zorro Rojo) e "Diccionario de Fantasmas, Misterios y Leyendas de Venezuela", de Mercedes Franco con ilustracións de Walther Sorg (Venezuela, Los Libros de El Nacional).

Ademáis, a Fundación Nacional do Libro Infantil e Xuvenil (FNLIJ) de Brasil, que á súa vez pertence á Asociación Internacional do Libro Infantil e Xuvenil (nas súas siglas en inglés, IBBY, de International Board on Books for Young People), ven de conceder o Premio Altamente Recomendável FNLIJ de 2009 pola súa tradución ao libro:

“O Pintinho da avelãzeira” e “Tio Lobo” editado por CALLIS.

Por outra banda se buscades recomendacións para os vosas/os fillos/as dende este blog recomendámosvos o seguimento destes que tamén poremos na barra lateral:

Literatura infantil y juvenil actual, para enterarse de todas as novidades en castelán.

Ler en mancomún, espazo "en mancomún" dos Clubs de Lectura creados nas bibliotecas escolares galegas.
Kalandraka (Libros para soñar), tanto pode ser a librería que hai en Vigo como a editorial... sexa o que sexa está moi moi ben.
Librería La Clandestina, por se pasades por Madrid un fin de semana e queredes levar aos máis cativos (adoita ter actividades e contacontos ademáis de facer recomendacións menusais)
Libraría Quimbamba, unha librería distinta e especializada en literatura infantil e xuvenil, pero en A Coruña.

Peque-Rutas Maio e Xuño 2009

2009-05-07T15:30:00.007+02:00

A Asociación Cultural "O Coto" ten programadas tres novas Peque-Rutas para os meses de maio e xuño, das que vos achegamos os datos principais.

Tres últimas rutas da tempada 2008/2009 coa novidade dunha peque-ruta nocturna

10 de maio de 2009

Ruta: Río Xabriña (Paraños)

Percorrido: 6 km.

Hora de saída: 11:00 horas

Observacións: Fermoso percorrido polo río Xabriña que é afluente do río Tea, nel observaremos muíños, pozas de regar, levadas de regadío, pontes, pontellas, petos de ánimas, cruceiros, eiras de cera, lagares de cera.
Por xentileza da Comunidade de Montes Veciñais vaise a moer millo nun dos muíños restaurados que hai ó longo da ruta.

6 de xuño de 2009:

Peque-Ruta Nocturna

Cabo Home (Cangas de Morrazo)

Percorrido: 3 km.

Hora de saída: 21:00 horas

Observacións: Participa con nos nesta primeira ruta nocturna por unha das paisaxes máis bonitas das Rías Baixas, con excelentes vistas da ría de Vigo e as Illas Cíes. É recomendable levar lanterna.

14 de xuño de 2009:

Ruta de despedida da tempada

Ruta: Río Fraga ou dos Ladróns (Moaña)

Percorrido: 5 km.

Hora de saída: 11:00 horas

Observacións: Despide con nos a tempada de sendeirismo 2008/2009 (descansamos xullo e agosto) facendo un fermoso percorrido por un dos lugares máis fermosos e descoñecidos de Moaña: o río Fraga ou dos Ladróns.

29 muíños, saltos de auga, vexetación e arborado abundante e frondoso todo ó longo dun fermoso e cómodo percorrido para remate de tempada: Comida conxunta de despedida.

- Todas as saídas son dende o Colexio Público Carballal-Cabral na Rúa Lomba 1.

- Trae a túa comida e bebida para pasar o día no monte.

- Máis información nos teléfonos: 986 487 957-676 524 529

Charla coloquio Plan Bolonia

2009-05-05T08:53:00.006+02:00

Fai uns días recibimos unha invitación de FANPA Pontevedra e do CEIP CAMPOLONGO e a súa ANPA para unha charla coloquio sobre

"O PLAN BOLONIA: A NOVA UNIVERSIDADE QUE AGARDA OS/AS NOSOS/AS FILLOS/AS"

que se celebrará o martes 5 de maio ás 20:00 horas na Sala de Conferencia do Centro Cultural Caixanova de Pontevedra (Rúa Augusto González Besada, 2), e na que intervirá os seguintes relatores:

Mª ISABEL GONZÁLEZ REY, Vicedecana da Facultade de Humanidades de Lugo, coordinadora de centro para a Converxencia co Espazo Europeo de Educación Superior(2003-2006), secretaria da Comisión de Elaboración do novo Grao de Humanidades.

JOSÉ RAMÓN LEIS FIDALGO,Ex-Director Xeral de Ordenación e Calidade do Sistema Universitario de Galicia

Representantes do Sindicato de Estudantes

Actuará como moderador o xornalista OSCAR VIÉITEZ

A invitación faise extensiva a todos os membros da nosa comunidade educativa, de xeito que si algunha nai ou pai está interesada/o no tema convidado queda.

Colaboran nesta actividade o Concello de Pontevedra e Caixanova

Por se alguén quere contactar cos organizadores, estes son os seus datos:

Federación de ANPA de Pontevedra
Rúa Alfonso XIII, nº 7, 3 andar (antigo conservatorio)
36002 Pontevedra
Apdo. 511 36080 Pontevedra
Tel e fax: +34 986 84 34 12

Logotipo da Federación Provincial de Anpas de Pontevedra

Enderezo electrónico: info@nontedur

Páxina web: www.nontedurmas.org

Programa de actividades no MARCO

2009-05-03T16:34:00.011+02:00

MARCO Explorer "en territorio descoñecido" (ata o 31 de maio):

Actividades e obradoiros para nenos/as a partir de 3 anos, sós ou acompañados de persoas adultas.
Durante o mes de maio, as actividades de venres, sábados e domingos, dirixidas a público familiar, continúan con novos descubrimentos con propostas que se desenvolven en paralelo ao programa educativo para escolares.

· Laboratorio das Artes (1º andar);
· Horario: venres de 18.00 a 20.00, sábados e domingos de 12.00 a 14.00 (ata o 31 de maio);
· Entrada libre e gratuíta .

Obradoiros de verán:

Actividades e obradoiros para nenos/as a partir de 3 anos, sós ou acompañados de persoas adultas.

· A partir do 9 de xullo;
· Horario: martes, mércores, xoves e venres, de 12.00 a 14.00;
· Entrada libre e gratuíta.

Mais información no teléfono: 986 113900
http://www.marcovigo.com/

Recomendacións de lectura pola Semana do libro

2009-04-24T23:27:00.008+02:00

Entre o Equipo de Normalización Lingüística do colexio e a Biblioteca elaboraron unha guía de recomendacións co gallo da Semana do Libro para todos os membros do alumnado en función da súa edade.

Educación Infantil (3 a 5 anos)

Contos en Cantos.

De Almudena Janeiro, editado por OQO. Son trece cancións compostas a patir de contos infantís. Inclúe un CD de música e un DVD para facer karaoke.

Pirata Pata de Lata

De Cristina Miranda, e editado por Kalandraka. Narra a historia do Pirata que co seu barco e o seu loro Simeón percorre o mundo.

A Miña amiga a escuridade

De Ella Burffot, e editado por Baía. Cóntanos cómo hai que facer para perder o medo á escuridade xogando e bailando con ela.

Os Bolechas

De Pepe Carreiro, e editados por A Nosa Terra. Hai unha morea de contos protagonizados por esta familia tan orixinal... todo un mundo que descobrir.

Primeiro ciclo de Primaria (6 e 7 anos)

A cousa que máis doe no mundo

De Paco Liván e OQO. Trátase dunha fábula sobre a mentira.

Os pequechos

De varios autores e da editorial Factoría K. É unha colección de libros chea de imaxes das crías de diferentes especies animais (dos ríos de dos lagos, das terras polares, da selva, das pradeiras e das sabanas...)

Don Pol e o pequeno Pin

De Max Portela e da editorial Baia. Son un grupo de historias que acontecen no fondo do mar.

Caderno de animalista

De Antón Fortes Torres e OQO. É un album que nos ofrece un paseo pola pintura do século pasado.

Segundo ciclo de Primaria (8 e 9 anos)

Contos de animais II

De Xosé Miranda, Antonio Reigosa, X.R. Cuba e Edicións Xeráis. É unha recopilación de contos de animais.

Tres vellas fábulas novas

De Bernardino Graña e Editorial Everest. Son un feixe de historias clásicas.

Un segredo do Bosque

De Javier Sobrino e OQO. Trata de historias de amor no bosque.

O neno que tiña medo ós robots

De Miguel Vázquez Freire e Editorial Rodeira. Un fato de historias tecnolóxicas.

Ciclo Superior de Primaria (10 e 11 anos)

Son un Cabalo

De Gonzalo Moure e Editorial Kalandraka. Fainos poñer na alma e nos sentidos dun cabalo.

A lagoa das nenas mudas

De Fina Casalderrey e Factoría K. Trátase dun relato sobre a emigración e as súas dificultades.

Trece anos de Branca

De Agustín Fernández Paz e Editorial Rodeira. A protagonista, Branca, fai un repaso da súa infancia mentres está convalecente da súa enfermidade.

Para os pais e nais

Cardume

De Rexina Vega e Edicións Xeráis. Unha historia sobre a posguerra.

Historia social do deporte en Galicia (1850-1920)

De Andrés Domínguez Almansa e Editorial Galaxia.

Do que estou a falar coando falo de correr

Do afamado autor Haruki Murakami e Editorial Galaxia. O mundo do atletismo de fondo popular visto dende o punto de vista dun escritor que é capaz de combinar éxito e calidade.

Recomendacións especiais

Contos de Ida e Volta

De Lucía Costas e Editorial Difusora. Son 24 contos galegos traducidos ao inglés, castelán e francés.

Escolma poética da obra de Rosalía de Castro

De Rosalía de Castro e Editorial Kalandraka.

Visitas á Illa de San Simón

2009-04-23T21:00:00.010+02:00

A Fundación Illa de San Simón volta ofertar excursións en barco durante os meses de maio e xuño para coñecer a Illa de San Simón, famosa pola súa triste e lúgubre historia (tanto como lazareto ou leprosería como despois, durante a Guerra Civil e a posguerra, como prisión de republicanos e presos políticos en xeral).

As persoas interesadas en realizar unha visita á illa ou participar no ciclo de concertos deben lembrar que para o acceso a San Simón é preciso realizar reserva previa de praza nos barcos que dende os portos de Cesantes-Redondela ou San Adrián de Cobres (Vilaboa), de acordo coas posibilidades da marea, parten cara as illas en quendas sucesivas de 100 persoas por viaxe.

Illa de San Simón (fotografía tomada de Wikipedia)

As reservas de praza poden realizarse a través da Central de Reservas da páxina web www.fundacionilladesansimon.org ou chamando ao teléfono 986 90 38 84 (horario de luns a venres, de 9 h. a 14 h. e de 16 h. a 19 h. ).

CALENDARIO DE VISITAS PRIMAVERA 2009

MAIO
DIA DA VISITA	PORTO DE SAÍDA	QUENDAS DE SAÍDA
Sábado 2	Cesantes-Redondela	10h./12:30h./16h
Domingo 3	Cesantes-Redondela	10h./12:30h./16h/18:30h
Sábado 16	Cesantes-Redondela	10h./12:30h./16h
Domingo 17	Cesantes-Redondela	10h./12:30h./16h/18:30h
Sábado 23	S. Adrián de Cobres (Vilaboa)	10h./12:30h./16h
Domingo 24	S. Adrián de Cobres (Vilaboa)	10h./12:30h./16h/18:30h
Sábado 30	Cesantes-Redondela	10h./12:30h./16:30h
Domingo 31	S. Adrián de Cobres (Vilaboa)	10h./12:30h./16h/18:30h
XUÑO
DIA DA VISITA	PORTO DE SAÍDA	QUENDAS DE SAÍDA
Sábado 6	S. Adrián de Cobres (Vilaboa)	10h./12:30h
Domingo 7	S. Adrián de Cobres (Vilaboa)	10h./12:30h./16h/18:30h
Sábado 20	S. Adrián de Cobres (Vilaboa)	10h./12:30h./16h/18:30h
Domingo 21	S. Adrián de Cobres (Vilaboa)	10h./12:30h./16h

Illa de San Simón dende o tren (fotografía do autor)

RESERVA DE PRAZA PARA OS CONCERTOS

A entrada aos concertos é libre previa reserva de pase no barco de transporte colectivo. A reserva pode realizarse polos mesmos medios que a das excursións. Será posible realizar reserva para cada concerto con dúas semanas de anticipación.

O aforo máximo para os concertos é de 300 persoas. O acceso realizarase, dependendo do día do concerto, dende os peiraos de Cesantes-Redondela ou San Adrián de Cobres (Vilaboa).

En caso de non estar completo o aforo a través do sistema de reserva, poderase permitir a entrada de visitantes sen reserva ata completar aforo.

O horario de embarque de visitantes para os concertos, que terán lugar ás 19 horas, se producirán as 17.30, 18.00, 18.30 e 18.45 horas.
Infórmase aos visitantes que non existen na illa servizos de bar-cafetaría. Sempre que as condicións atmosféricas o permitan os concertos terán lugar nos exteriores da illa.

Prevese unha duración para os concertos de entre 1 e 2 horas, ao remate do cal os visitantes poderán retornar ao porto de saída en quendas de viaxe sucesivas.

PROGRAMA DE CONCERTOS:

Sábado 2 de maio. 19 horas. Orquestra Omega.

Orquestra de improvisación libre experimental formada por un colectivo dunha vintena de artistas galegos relacionados co Centro de Novas Tecnoloxías do Pico Sacro, en Santiago de Compostela. Os vinte membros desta formación ecléctica proceden de moi diversos ámbitos do mundo da arte e xúntanse mensualmente para emitir música improvisada guiada por dirección xestual.

A banda sonora resultante inclúe dende xoguetes ata calquera influencia musical ou ruidística, contos para nenos, instrumentos acústicos, música clásica, instrumentos electrónicos analóxicos e dixitais, música contemporánea, free-jazz, textos diversos e referencias a sons do mundo ou música popular de calquera época ou lugar.

A orquestra permanece atenta a calquera indicación do director e, por medio dun sistema de sinais convido previamente, vanse transformando en son os xestos concretos relativos ao ritmo, o instrumento, o ton, a dinámica, o tempo, a sección, o estilo, o silenzo, etc. Deste xeito, director e interpretes conforman unha escultura sonora en tempo real e comparten unha viaxe de ida sen volta atrás, sempre diferente, dinámica e sorprendente.

Sábado 16 de maio. 19 horas. Emilio Cao. “Co mar no meu peto”.

Compositor, arpista e cantante, Emilio Cao é un dos músicos pioneiros e referente dentro da denominada música folk e o primeiro que recuperou a arpa como instrumento para interpretar música tradicional, como continuador da tradición trobadoresca medieval.

Con máis de vintecinco anos de traxectoria profesional e concertos en escenarios de toda Europa, Emilio Cao leva publicados diversos traballos discográficos, sempre vinculados á poesía, e realizou numerosos proxectos musicais, como bandas sonoras para teatro, audiovisuais e danza contemporánea.

Baixo o título “Co mar no meu peto” Emilio Cao propón un concerto intimista de cancións mariñas e temas instrumentais para arpa, evocadoras de tempos afastados, de mundos de soño e fantasía.

Sábado 23 de maio. 19 horas. Grupo de Música Antiga Meendinho.

Grupo fundado e dirixido pola musicóloga e cantante Paulina Ceremuzynska, especializada na interpretación da música medieval, sobre todo a procedente da tradición trobadoresca.

O programa parte da idea das relacións e similitudes existentes entre as dúas grandes fontes de poesía e música mariana da península ibérica do século XIII: O Códice do Real Mosteiro de Las Huelgas e as Cantigas de Santa María.

O grupo está composto por Paulina Ceremuzynska (dirección, canto), Fernando Reyes (Laúde, cítola), Paulo González (frautas, zanfona), Manuel Vilas (arpa románica) e Carlos Castro (percusión).

Sábado 30 de maio. 19 horas. Los Cuatro Elementos.

Cuarteto de guitarra formado por catro músicos (Esteban Fragas, Marcos Rivera, Bruno Bonamis, Iago Reigosa) vinculados ao Conservatorio Superior de Música de Vigo, que toma o seu nome da obra homónima escrita para esta formación polo compositor francés Francis Kleynjans.

Ofrecen un percorrido pola música popular do século XX de España e América. Piazzolla, Celso Machado, Moreno Torroba, Leo Brouwer, Jacob Gershovitz e Paulo Bellinatti son os autores escollidos para presentar unha variada perspectiva musical, desde a formación clásica máis arraigada no século XIX español ata as tendencias máis contemporáneas de finais do século XX, pasando polo jazz ou a música cinematográfica. Trátase, en suma, dun paseo pola marxe máis académica da música popular ou, visto doutra maneira, pola máis popular da música académica.

Domingo 21 de xuño. 19 horas. Escoitar Danza.

Concibidas como paisaxes sonoras para ser bailadas, CadraCoruña, CadraVigo, CadraFerrol e CadraSantiago son creacións que buscan expandir a escoita somerxéndonos nun espazo cuadrafónico. Herdeiras da panauralidade de John Cage, inciden no perfil acústico das cidades nas que conviven sons de moi diferente natureza.

Peque-Ruta polas Gándaras de Budiño

2009-04-13T08:00:00.001+02:00

O vindeiro domingo 19 de abril a Asociación Cultural "O Coto" (vencellada ao CEIP Carballal de Cabral) organiza unha andaina encadrada dentro do programa de Peque - Rutas, que vai orientado á iniciación dos máis cativos da casa no sendeirismo e no coñecemento do medio natural que nos rodea.

Logo da Asociación Cultural O Coto

Os datos desta excursión son:

Imaxe dunha Peque - Ruta para observar aves.

Gándaras de Budiño (O Porriño)

Data: 19 de abril de 2009

Hora de saída: 11:00 horas

Observacións: Ruta á beira do río Louro, que estará guiada polo biólogo Álvaro Santos Pérez que dará explicacións dun lugar singular tal como son as Gándaras de Budiño, onde paran aves migratorias. Si tes, trae prismáticos.

Participantes dunha Peque - Ruta observando aves.

As saídas das rutas son dende o Colexio Público do Carballal (Rúa Lomba 1 - Carballal - Cabral).
Traede a vosa comida para pasar o día no monte.
Máis información nos teléfonos: 986487957-676524529 (Jose ou Tere)

Programación no Verbum para o mes de abril

2009-04-01T13:12:00.006+02:00

No museo VERBUM: Casa das Palabras de Samil hai unha programación máis ou menos estable durante todo o ano e, a maiores, actividades ocasionais. Para este mes de abril temos unha morea de cousas.

Por un lado temos a programación de abril, que conta con LEO MARCAPÁXINAS “UNHA VIDA DE CONTO” que é un personaxe que nace hai moitos anos cando alguén decidiu cortar un anaco de papel e debuxarlle uns coloridos debuxos. A continuación colocouno entre dúas páxinas dun libro que estaba a ler para acordarse ao día seguinte onde deixara a lectura. Leo cobraría vida durmindo entre o olor das fermosas e relucentes páxinas dun libro e acochado pola calor das letras.

Este é o moneco Leo Marcapáxinas

Desde o seu nacemento pasaralle de todo e coñecerá todo tipo de libros: libros esquecidos, libros roubados, libros queimados e el logrará sobrevivir a todo isto. Unha vida moi interesante, divertida e didáctica que hoxe Leo Marcapáxinas vén contarlles aos nenos coa finalidade de animarlles a amar os libros e a lectura.

Tras presentarse, Leo Marcapáxinas invitará aos nenos a participar na súa colección de contos clásicos, recuperando a tradición de contar os contos de sempre con obradoiros didácticos. Os nenos contarán cun gran libro articulado que lles servirá de guía e confeccionarán cadanseu marcapáxinas.

Prezo: 1 € /asistente

Hora: 12:00 a 13:30

DOMINGO 5.

Presentación de Leo Marcapáxinas e contos de sempre entre todos. Actividades didácticas: o conto do Verbum, letras en movemento, a dura vida dun marcapáxinas.

DOMINGO 12.

O conto do revés. Actividades didácticas: a orquestra das palabras, parellas de contos, os obxectos dos contos.

DOMINGO 19.

Distintos xeitos de escoitar un conto. “Séntete libro”. Actividades didácticas: contos para todos, o xogo da memoria, personaxes típicos.

DOMINGO 26.

Teatrillo de contos. Actividades didácticas: frases típicas, músicos de conto, o crebacabezas dos contos.

- - - - - - - - - - - - - - - - - - - - - - - - - - - - - - -

En calquera caso, antes de que todo isto suceda, o vindeiro sábado este mesmo museo acollera outra actividade de contacontos organizada pola Concellería de Igualdade en colaboración co Servizo Galego de Igualdade.

O meniño Nito que se lee o vindeiro sábado no VERBUM

O conto narra o dilema no que se encontra Nito, un neno moi chorón, e que lle trae non poucos problemas até que por fin, coa axuda do Doutor Aymoré, consegue resolver as súas dúbidas.

O libro de referencia está publicado pola editorial Baía Edicións dentro da colección Contos da igualdade, que son historias ilustradas coas que se pretende romper a tendencia de asignar roles estereotipados a nenas e nenos, que condicionan a capacidade de soñar sen límites no propio futuro, de imaxinar un mundo de igualdade entre homes e mulleres.

Este espectáculo conxuga este e outros contos en formato de música e voz, relacionando a non violencia co dereito que tamén teñen os homes a chorar.

Obra: O MENIÑO NITO. Entón, os homes choran ou non?

Público: Nenos e nenas de 6 a 12 anos de idade.

Día: sábado 4 de abril

Hora: 12:00

Entrada libre ata completar o aforo